uMthunywa
USEHLALA elindwe ngosonhlalakahle owesifazane weNkongolwane eVryheid kweleSouth Africa ozame ukuzibulala ngemva kokusabalala kwevidiyo enqunu ebhaxabulwa yizisebenzi zesitolo ezazimsola ngokweba eminyakeni emithathu edluleyo.
UNkosazana Siphesihle Khoza (21) watshaywa yizisebenzi zesitolo ngo-2012, ngemva kokubanjwa eseba kodwa ividiyo eyathathwa ngomakhalekhukhwini ngesikhathi etshaywa isatshalaliswe enkundleni yokuxhumana iFacebook ngenyanga edluleyo.
Le yividiyo yesithathu esabalaliswayo eNquthu lapha abantu abacina betshwaya isihluku.
Ngomnyaka odluleyo, owesifazane wakulindawo wabhaxabula umfundi kabuhlungu ngoba emsola ngokujola lesoka lakhe.
Ngenyanga edluleyo, omunye futhi owesifazane wakulindawo, ubonakale enkundleni yezokuxhumana ebophele owesilisa esigxobeni emxebula ngenduku, umsolwa ubonakala efake isibhamu enqulwini.
Kulesisehlakalo sakuqala, kubonakala izisebenzi zesitolo zixebula ngebhanti uNksz Khoza zimgijimisa isitolo sonke abathengi bebukele.
Engxoxweni leSolezwe, uNkszn Khoza ukuqinisekisile ukuthi ulindwe ngosonhlalakahle kulandela ukuzama ukuzibulala ngemva kokubona ividiyo enqunu etshaywa esitolo ngo2012.
Uthe usephenduke inhlekisa ngakibo abantu uma bembona bavele bahleke kusukela kwaphuma ividiyo le ekuqaleni kukaMfumfu.
Isolezwe lilayo lividiyo ekhombisa uNkszn Khoza ebhushuzela etshaywa ekhala ubumaye esitolo.
UNkszn Khoza uyavuma ukuthi weba esitolo, wengeza ngokuthi ubejwayele ukutshontsha esemncane belodadewabo. Uthe wayeleminyaka engu-17, ngesikhathi etshaywa.
“Ngiqale ukubona lividiyo ngoMfumfu 6, ngabe ngisiyavula icala emapholiseni,” kutsho uNkszn Khoza.
Uthe abantu abanengi ngakibo balayo ividiyo.
Unina kaNkszn Khoza, uNkosikazi Fakazile Khoza uthe lumphethe kabi udaba lokufakwa kwendodakazi yakhe kuFacebook itshaywa inqunu njengoba isifuna ukuzibulala.
“Ingane ithethwe ngosonhlalakahle ngemva kokuzama ukuzibulala, kulandela ukuvela kwevidiyo inqunu itshaywa,” utsho kanje.
UNkkz Khoza uthe bafuna bajeziswe abasolwa ngesenzo sabo.
Okhulumela amapholisa eKwaZulu-Natal uMajor Thulani Zwane uthe sikhona isehlakalo esenzekala ngoMpandula ngomnyaka ka-2012, lapho okwatshaywa owesifazane esitolo ngemva kokubanjwa etshontsha.
“Watshaywa wakhululiswa impahla, njalo wethukile esebona ividiyo. Kubotshwe abasolwa abahlanu,” kutsho uZwane. — Ubulembu
