uMthunywa
SIYAHLANGANA njalo bafundi kule iviki, inengi lenu liphakathi kokubhala imihloliso yaphakathi komnyaka ngilifisela impumelelo. Lanxa kunjalo kuhle njalo ukuthi lazi ukuba umuthi wokuphumelela yikubala, kayikho enye indlela.
Nanzi impendulo zomsebenzi engilitshiyele wona kuviki ephelileyo:
1. Butshani bezifuleni obabusikwa bendlalwe ukuze kutshukelwe isigogo phezu kwabo.
2. Yinhlabathi emnyama yeziduli ezincane.
3. Amabele angakakhahleli.
4. Yikuzonda kowesifazana/kowesilisa ongafuni ukubona athandana laye ekhulunyiswa ngabanye obaba kumbe omama.
5. Lugojwana olulembaxa ezimbili lokufuqa amahlahla nxa ubiya
Kule iviki asikhangelenini umsebenzi wethu wolimi.
Tshaya sizwe.
1. Kayisinkani nje……
2. Kabazondani nje …..
3. Kayisilunya nje…….
4. Kamubi nje……
5. Kasuthi nje……
6. Kazimukile nje……
7. Kayisijubane nje…….
8. Wakubona okwabonwa yi…….
Sizahlangana njalo ngeviki ezayo.
Bafundi thumelani impendulo zenu kunombolo lezi 0773675473 kumbe ku-0778520007 ngeWhatsApp loba ngeSms. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo.
Thumela njalo lomfanekiso wakho. Kuphephandaba lakuviki ezayo sizafaka impendulo zakho kanye lezithombe zenu.
