uMthunywa
UHLALELE ovalweni umphakathi waseMzinto kweleSouth Africa ngemva kokutholakala kwesinye isidumbu sowesifazane singelakhanda okusolwa ukuthi “inyanga” elecala lokutshumpula ikhanda lomlisa womdabu waseNdiya banengi abantu esebenzisana labo kufunwa amakhanda abantu.
Izolo emthethwandaba kaMantshi weMzinto kuvele abasolwa ababili ngecala lokubulala owesifazane isidumbu sakhe esatholakala sonakele lekhanda ligqitshwe eduzane laso ngeledluleyo.
UMnumzana Mveliso Eric Ngini (37) uvele loMnuz Alias Mchunu (31) ngalelicala.
Benqatshelwe ibheyili icala lahlehliselwa ukuLwezi 23. Uphenyo lusaqhubeka.
Lesi sehlakalo selama esokutholakala kwesidumbu somdlali wekhilikithi uNawaaz Khan (23) esasingelakhanda.
Kwabotshwa umngane kaKhan uThando Duma (21) osesitokisini.
Ngesikhathi amapholisa embuza ngalelicala uDuma ngokulahleka komngane wakhe wavele wachinca isililo qede wavuma konke.
Waveza lokuthi yinyanga eyamtshela ukuthi adinge ikhanda lowomdabu waseNdiya ukuze imenzele umuthi olamandla ozaqeda izinkinga abhekene lazo.
Ikhanda lakhe belifunwa laze latholwa lifihlwe ezindaweni ezehlukene khona eMzinto.
Leli khanda kulezinsolo eziqinileyo zokuthi lalizathengiswa nge-R14 000 uma inyanga isithathe ulimi lamehlo eyayikudinga ukuze yenze umuthi uthaka umuthi.
UDuma uvele enkantolo ngoLwesibili, uzabuyela kweyaseMzinto ngoLwesine esehambisana loMchunu.
Kuvele ukuthi uMchunu useke walahlwa ngelinye icala lokubamba inkunzi.
Umphakathi obuhambele leli cala uthe uyesaba ngoba awazi noma akhona yini amanye amakhanda abantu asafunwa ngabasolwa asebebizwa ngomalugaju endaweni.
“Ngize enkantolo ukuze ngibabone abasolwa. Angifuni bathole ibheyili.
Ukutholwa kwesinye isidumbu singelakhanda kwenza sesabe. Asazi noma bakhona yini abanye abantu lenyanga efake izicelo zamakhanda abo.
Kuyacaca ukuthi ayisebenzi yodwa njengoba ilokhu ibotshwa labanye abantu. Okwamanje asazi ukuthi yiziphi ezinye izidumbu ezizavela lokuthi ungubani owesifazane abambulalayo,” kutsho ilunga lomphakathi ebelithukuthele.
Isidumbu sowesifazane bekungakaziwa ukuthi ngesikabani. Ngitsho lasencwadini yecala enkantolo kubhalwe ukuthi basolwa ngokubulala owesifazane bamtshumpula ikhanda.
UNgini ongumsolwa ungunogada kuthiwa nguye okhombe isidumbu sowesifazane ebesigqitshwe emgodini ongatshoniyo.
UMchunu osebenza ezivandeni osolwa ngokuba yinyanga elokhu ibiza amakhanda abantu kuthiwa ukwazi ukuqeda izinkinga ezehlukeneyo ezihlasela umphakathi wendawo okubalwa ezithinta umendo, izinkinga zasekhaya, inkinga yemali lokuqeda ibhadi.
Ngesikhathi ebuzwa ngekhanda waya kwenye indawo walikhipha kupulastiki sekungamathambo.
Isidumbu sowesifazane sisiswe emakhazeni ePark Rynie ukuze siyohlolwa.
Kumele kuvele isihlobo sakhe bese kwenziwa ulibofuzo.
Okwamanje amapholisa kuthiwa amatasatasa akhangela amafayila awo ngemibiko yokulahleka kwabesifazane kule ndawo.
Isolezwe lihoshe umoya wokuthi kukhangelwa leminye imideni labanye abasolwa abangahle bathinteke kulokhu kutshumpulwa kwabantu amakhanda ukuze kwenziwe imithi.
Womabili amakhanda asazohlolwa zingcitshi ukuze kuqinisekiswe ukuthi izidumbu ziyahambisana lawo. — Ubulembu
