Uncategorized

Utshaya umngane ngesitina afe kubangwa isikwelede

23 Mar, 2023 - 00:03 0 Views
Utshaya umngane ngesitina afe kubangwa isikwelede Death

uMthunywa

Ethel Ncube
KULENDODA yeGwelutshena eNkayi ebotshwe kulandela ukubulala umngane wayo ngokumtshaya ngesitina enkabeni kubangwa isikwelede semali kamakhalekhukhwini.

Indaba le yenzakale ngoZibandlela lapho uProsper Ncube okubikwa bathi besemakhasini lomngane wakhe, uPullen Hlabangana baxabana kubangwa imali kamakhalekhukhwini ayelokhu engakayibhadali wadobha isitina wamtshaya ngaso wafa.

UMthunywa uzwe ukuthi uHlabangana bathi besemakhasini loNcube wabuza imali yakhe kodwa kwaba lokungazwisisani okwadala ukuthi uHlabangana akhiphe ingqamu esithi amgwaze kodwa uNcube wahle wadobha isitina ngokuphangisa wamtshaya ngaso wafa.

Esewele phansi wathwalelwa esibhedlela seNkayi lapho athi efika omongikazi baveza ukuthi usedlule emhlabeni.

Umetheswacala kubikwa wabaleka waya eGoli kodwa wabuye waphenduka waya enkambeni yamapholisa.

Amapholisa ekhasini labo leTwitter aveze ukuba indaba enjalo yenzakale.

“UPullen Hlabangana watshaywa ngumngane wakhe ngesitina enkabeni wafa.”

Umetheswacala oseke wamiswa emthethwandaba ukhangelelwe ukubuyela njalo mhlaka 4 kunyanga ezayo.

Share This:

Sponsored Links