uMthunywa
Rutendo Nyeve
AMALUNGA amabili eqembu leNsimbi zeZhwane adlule emhlabeni ngemva kokuba imota abakade behamba ngayo idubuke ivili, yaphuma emgwaqeni ngaphambi kokuba itshayelele esihlahleni kumgwaqo osuka koBulawayo usiya eVictoria Falls.
Ababili laba ngu-Elvis “MaEli” Mathe obengumkhokheli ekuculeni loThembinkosi Mpofu odume ngelithi Maviri, obekunguye obetshayela imota.
Amanye amalunga eqembu, alitshumi kubikwa alimele kakhulu njalo balaliswe esibhedlela seSt Luke’s eLupane esabelweni seMatabeleland North.
Isikhulumi samapholisa esabelweni seMatabeleland North u-Inspector Glory Banda uqinisekise ngengozi le wathi: “Kuliqiniso ukuthi kulabantu abangu-12 abawelwe yingozini yomgwaqo ekhoneni elingamakhilomitha angu-281 eduzane komgwaqo we-Victoria Falls usiya koBulawayo. Umuntu oyedwa ufele khona lapho,” kutsho u-Insp Banda.
Sunday News