uMthunywa
USEFISA ukufa uMfundisi webandla leZayoni osekuphele iminyaka emibili egcweleyo encitshwa ucansi ngumkakhe ngoba emsola ngokuthi “unguqhwayilahle ongelamali”.
UMfundisi George Bhengu (50) weMpangeni enyakatho yeKwaZulu Natal eSouth Africa ongomunye wabaholi bebandla, iSalvation in Christ Ministries uthe akasazi ukuthi kumele enze njani ukuze aphume kulobu bunzima bempilo ayiphilayo.
UBhengu ubalisa ngomkakhe, uNkosikazi Thobile Bhengu othi usevele amtshele ukuthi akhohlwe ngeke aphinde amnike ucansi ngoba akasamchazi futhi kahlangani emacansini labantu abangelamali.
Uthi linto umkakhe uyiqale kancane ezitshela ukuthi uyamncokolisa kanti akunjalo, akadlali ugweva lalo ngempela ucansi.
“Angisazi mina ukuthi ngithatheni ngihlanganise lani impela kulukhuni ukuba yindoda uma kunje.
Inzima kakhulu impilo engiyiphilayo.
Sengizizwa ngingaseyi ndoda ngenxa yalokhu okwenziwa ngumkami,” utsho kanje ebalisa.
Eqhubeka uMfundisi Bhengu uthe izinto emtshadweni wakhe lomkakhe ziqale ukuba mapeketwane ngesikhathi ephelelwa ngumsebenzi eminyakeni edluleyo.
Uthe ngesikhathi esanda kuphelelwa ngumsebenzi umkakhe wambiza wambuza ukuthi usezoluthathaphi ucansi njengoba engasasebenzi?
Uthi wambuza ukuthi uchaza ukuthini, wamphendula ngokuthi yena kalaso isikhathi sokuhlangana lendoda engasebenziyo.
“Muva nje kuthe uma ngimbuza ngale mpilo angiphilisa yona, wathi ayikho indaba yami ngiyefana leBhayibheli leli engihlale ngiligodlile esandleni sami.
Waze wadlala ngami umfazi mina ngamlobola ngaqeda,’’utsho kanje ehlengezela izinyembezi.
Uveze ukuthi belomkakhe balengane yomfana oleminyaka engu-16.
“Ngikutshela ukuthi manje umkami angimazi okuthi ukuziphi izintaba.
Kodwa kuthe uma ngimtshayela ucingo wathi angikhohlwe angifune ezinye izinyoni ezisezingeni lami lempilo,’’ echaza.
UBhengu uthe uqale ukuphila impilo enzima eminyakeni emibili eyedluleyo ngesikhathi bedilizwa enkampanini, iFreedom Stationery.
Ethintwa umkakhe uvumile ukuthi ucu kalusalingani phakathi kwakhe loBhengu.
Ulimise ngesihloko elokuthi akasamthandi, wathi unengwa yikuthi wondla indoda endala elepasi.
Ebuzwa “ngokugweva” locansi uphendule ngomunye umbuzo othi: “Ngokwazi kwakho ngonjani umuntu ofanelwe ukuthola ucansi?”
Kuthe uma intatheli ithi kayilalo ulwazi waphendula ngokuthi ucansi “yisipho” esimqoka okubongwa ngaso amadoda avukayo ekuseni aye emsebenzini.
Uvumile lokuthi usephumile endlini wamtshiya yedwa uBhengu.
Uthe manje ufisa ukuthi kube lencwadi yesehlukaniso.
Uveze lokuthi ngomhlaka-18 kwephezulu bazahlangana emthethwandaba koDukuza, loBhengu wenqaba kodwa ukwenaba kabanzi ngokuzobe kuyelwe enkantolo.
INhloko yebandla leSalvation in Christ, uMbhishobhi Sibusiso Madela uthe uyazazi izinkinga ezikhungethe umdeni wakwaBhengu.
Wathi uzamile ukungenelela kodwa kwafana lokuthi umane uthela amanzi emhlane wedada.
Uthe kodwa uyafisa ukuthi kube khona isixazululo esitholakalayo phakathi kwabo njengoba belomntwana.
Uthe ubengelalo ulwazi lokuthi uBhengu uphila impilo enzima kangaka yokuncitshwa ucansi mihla lamalanga.
Uthe akwaziyo ngezinye izinkinga abalazo abacine bengazange bezixazulule.-Isolezwe
