uMthunywa
KUPHAZAMISEKE ukusebenza esibhedlela sikaHulumende iChurch of Scottville esiseThukela, ngaphansi kukaManisipala weMsinga, eSouth Africa amalunga omphakathi evuka indlobana, evala amasango, etshisa lamathaya emigwaqweni eyizintuba ezingena kulesi sibhedlela, ngoLwesibii ekuseni.
Lo mphakathi obuthukuthele ukhala ngamanzi okuthiwa sekuphele izinyanga ezintathu engabonwa kulesi sibhedlela, ukusilela kwabodokotela lokuqatshwa kwabantu okungasibona abendawo.
Ikhansela kule ndawo, uMnuz Thokozani Sokhela, ebelikhona ngesikhathi kunalo mbhikisho, lithe belalela izikhalo zomphakathi, kuvelile ukuthi kunengi okungahambi kahle kulesi sibhedlela.
“Okokuqala nje amanzi awekho kanti sekuphele izinyanga kulale nkinga. Yebo, kulenkinga yamanzi kuMasipala waseMsinga, kodwa isibhedlela sinamapitsi aso esidonsa kuwo amanzi esatshelwa ukuthi afile, lamanje awakalungiswa.
“Sekudingeka ukuthi uma abantu bezobheka amalunga emideni yabo babaphathele amanzi ngezigubhu ezincane zokuthi umuntu akwazi ukugeza lokunatha, okubeka engcupheni impilo yeziguli lezisebenzi ngenxa yesimo senhlanzeko,” usho kanje.
Uthe okunye okukhathaza umphakathi ukushoda kodokotela okugcina isiguli esingeniswe esibhedlela sesihlala isikhathi eside silindile. Uthe kukhalwa kakhulu langokungaqatshwa kwabantu basendaweni emisebenzini engafune izetifiketi, langezinkampani ezenza imisebenzi esibhedlela okuthiwa ngezabosomabhizimusi abavela ngaphandle.
“Kwabona labo somabhizinisi bafika labantu babo, abaqatshi khona lapha ngaphakathi. Umphakathi uthi awulankinga labantu abasebenza ngokwezicucu zabo njengabahlengikazi, odokotela lakweminye imikhakha efundelwe. Okunye okubonakala kuxotsha kakhulu odokotela yisona isimo samanzi, akekho udokotela ofisa ukusebenzela endaweni engelamanzi lengahlanzekile,” kutsho uSokhela.
Uthe litshone elayizolo sebekhulumile lomphakathi ukudambisa isimo, kwavunyelwana ngokuthi incwadi yezikhalo izodluliselwa kwiziphathimandla namhlanje.
Omunye wabasebenzi okhulume leSolezwe ongavunyelwe ukukhuluma labezindaba, ukuqinisekisile ukuthi isimo okusetshenzwa ngaphansi kwaso sibi kakhulu.
“Uma ungena emawadini lapho kulele iziguli kuyanuka phu ngoba amanzi awekho okwenza inengi leziguli lingagezi, kuze kusizakale lezo eziseduze lamakhaya ngoba abakubo bezilethela amanzi. Sesisabela ukuhaqwa ngamagcikwane, selokhu amanzi agcina ukubakhona ngoNkwenkwezi.
Kutshicilelwe uMnyango wezeMpilo eKZN ubungakaphenduli ngalesi simo lesigameko.
