uMthunywa
Ethel Ncube
IMULI yakoMbirire elokitshini lePumula North koBulawayo idinga usizo kuzulu ngemva kokucatshelwa ngumntwana owasuka endlini esiyadinga izigodo zokwenza umsebenzi wesikolo.
UPromise Ncube ofunda ugwalo lwesithupha wacatsha mhlaka 17 kuMfumfu elokitshini lePumula North duze kwalapho ahlala khona, kuze kufike lamuhla akwaziwa ukuthi ungaphi.
Intatheli ixhumane lonina womntwana ocatshileyo uNkosikazi Thobekile Mbirire owazakala ngokuthi nguGezile uveze ukuba bacela ukusizwa ekudingeni ingane yabo.
“Umntwana wacatsha mhlaka 17 esuke esiyadinga izigodo zokwenza i-Abacus wahamba kungehola lesine ntambama kwahlala imizuzwana ngamlandela ngathola kakho ngabuza abangane bathi kabakwazi ukuthi ungaphi.
“Sabuyela esihlahleni futhi sathola izigodo ayezitholile kukhanya ukuthi uziqamulile kodwa ukuthi yena wasuka wasesiyangaphi asikwazi,” kubika uNkszn Mbirire
Uphinde waveza ukuba konke okuphuma enkundleni zokuxhumana ukuthi umntwana usebonakele akusilo qiniso.
“Ngithanda ukuthi uzulu abekwazi iqiniso ngokuthi kule audio lemilayezo ebhodayo ebika ukuba uPromise sesimbonile ayisilo qiniso asikamboni zihlobo lokhe sidinga. Umntwana wacatsha egqoke isikipa esibomvu esePuma, ibhulugwe eliyikhaki elilezikhwama elifitshane.” kuphetha uNkszn Mbirire.
Ongabe ebone uPromise Ncube kumbe elodletshana ngalapho abonakale khona angathinta abazali bakhe kunombolo ezilandelayo 07714495150 Noel Mbirire
0777325906 Gezile Thobekile Mbirire.
