uMthunywa
Ethel Ncube
BEKUNGABIZWA ozwayo eFingo Hall, eMbembesi ngoLwesibili ngeviki edluleyo lapho abomsakazo woMhlobo Wenene weMzansi Afrika abebevakatshele lindawo besiyaqinisa ubudlelwano kanye lokubukisa imigido yesiXhoseni.
UMthunywa uzwe ukuba Umhlobo Wenene FM uhambe eMbembesi ngenhloso yokuqinisa ubudlelwano kanye lokukhulumisana labantu abadala abangamaXhosa.
UMthunywa uxhumane lenduna uNdondo oveze ukuba bebehlangene labasakazi beMhlobo Wenene FM eMbembesi.
“Okokuqala siyajabula ukuba sivakatshelwe ngabasakazi beMzansi Afrika sizoqinisa ubuhlobo. Abasakazi laba balapha eZimbabwe okwamalanga amathathu njalo bazabe besakaza bekuKhulumani FM. Ekuhlanganeni kwethu amaXhosa alapha abebukisa imigido yethu yesiXhoseni.
“Abasakazi bathole ithuba lokuthi babuze abadala imubuzo etshiyeneyo ebalisa ephathelane lendlela yokuphila lokunye okutshiyeneyo,” kubika induna uNdondo.
Uqhubekele phambili eveza ukuba sekumele bakhe ubuhlobo obuzwayo labeMzansi.
“Sikhangelele ukuba ngethuba elilandelayo kube yithi amaXhosa alapha esivakatshela eGoli sisiyakhulumisana njengabantu besiXhoseni siqinisa ubuhlobo. Okunye esikukhangeleleyo yikuthi kwelinye ilanga amaXhosa asuke khonapha ayebukisa amathalenta abalawo kuMhlobo Wenene FM.
“Siyabonga kakhulu ukuvakatshelwa, kwenza siqinise ubuhlobo. Sikhangelele ukuqhubeka sisiyaphambili sikhulisa amasiko lobuhlobo besiXhosa,” kuphetha induna uNdondo.