uMthunywa
DURBAN — Kusabatshazwa isimanga esenzeke eKhusana Combined School, eMthandeni, KwaMaphumulo, enyakatho-mpumalanga yaKwaZulu-Natal emva kokuba umfundi okuGrade 11 etshaye uthitshanhloko ngempama langenqindi kwama ntsi ukufunda.
Kuthiwa isonto lonke eledluleyo bekungafundwa eKhusana ngoba ababalisi bebethuswe yisehlakalo abasibone uNduduzo Khanyile (25), etshaya umphathisikolo.
Ngokuthola kwephephandaba leLANGA, inkosi yendawo uBoy Makhosini Gumede, ibize umhlangano womphakathi ngoLwesine ngoba ethi kasikho isikolo esingavalwa isikhathi eside kangaka kungaxoxwa kulungiswe izinto.
Umthombo waleli phephandaba uthi umphathisikolo uqonde laba abafundi wabathethisa ethi mababuyele emakilasini.
“Izingane zikwenzile lokho kodwa lo umfundi wabuza uthitshanhloko ukuthi uyazi yini ukuthi yena angamtshaya. Emva kwalokho ingane imwankale ngempama yaphinda yamtshaya ngenqindi yaze yayolanda induku ebisekilasini yabhaxabula umphathi,” kutsho umthombo.
Kuthiwa umzali walo umfundi ubekhona laye emhlanganweni ngoLwesihlanu kodwa akavunyelwanga ukuphawula ngoba besekubonakele ukuthi uyayilaya ingane yakhe.
Okunye okuvelayo yikuthi lumfundi ubengaphumanga kuhle kumatikuletsheni nyakenye wacela ukuphinda kodwa wabiselwa kuGrade 11. Umthombo uthi ubuyiswa lo mfundi nje, ubesecatshangelwa ngoba iminyaka yakhe kayisamvumeli ukuba sesikolo.
Inkosi uGumede ithe kuyiphethe kabi okwenzeke esikolo kodwa kuxoxiwe bacelwa abazali ukuba bavumele abafundi babuyele esikolo ngoMvulo ngoba lomhloli ufuna ukukhuluma labo.
“Ingane imtshayile impela uthitshanhloko, okuyinto embi. Ngingenelile ngoba phela kakuyona into enhle ukuba abantwana bangafundi,” kutsho iNkosi uGumede. — Ubulembu
