uMthunywa
UMDLALI kaMuvhango ochaze ukuthi usomabhizimusi uThabo Twala nguye omenza ahleke, kuvele ukuthi ubengazi ukuba umkakhe ulesithembo.
Kuzwakale ukuthi uKate, unkosikazi kaTwala wakuqala utshele uLiteboho Mosile ukuthi atshiyane lomkakhe ngemva kokuba udaba lolu luphume kumaphephandaba.
Kodwa uLiteboho owanikezwa imota yohlobo lweMerc lendlu ubekholwa ukuthi nguye yedwa empilweni kaTwala.
“Ngathi ngihlangana laye wangitshela ukuthi uKate akasekho kuye. Engikwaziyo yikuthi uThabo usanda ukwehlukana lomunye umama okuthiwa nguMpho,” kutsho uLiteboho.
ULiteboho, odlala engumlingisi uTeboho umkaSodolobho uMulalo uthe uTwala loKate balengane eleminyaka emithathu, owabamazi beqala ukuthandana.
“Angazi ukuthi kungani abantu bengibiza ngokuthi ngilichithamuzi. Umfazi nguye ohlala esolwa nxa kunje.
UTwala uthe: “Ngiyindoda elandela umdabu mina. Ngithethe abafazi abanengi. UKate ngunkosikazi wami wakuqala, uMpho ngowesibili kuthi uLiteboho ngowesithathu. Ngibathanda bonke njalo ngibagcine kuhle.”
LoMpho uvumile ukuthi ngumfazi kaTwala wesibili.
“Ngingumfazi wakhe wesibili njalo kumele libekwazi ukuthi mina loKate siyazwisisana.” — Ubulembu
