uMthunywa
YiNtatheli kaMthunywa
KULENINA lakoBulawayo eligwetshelwe ukusebenzela umphakathi kulandela ukutholakala lilecala lokulahla umntanalo.
UFaith Chakuvinga oleminyaka engu-25 yokuzalwa umiswe phambi komthethwandaba weWestern Commonage esetheswa icala lokulahla umntanakhe olenyanga ezilitshumi lasithupha (16).
Umtshutshisi uMnumzana Kenneth Shava ubikele inkundla ukuthi mhlaka 24 Mbimbitho umetheswacala ngezikhathi zantambama wathatha umnatanakhe wamgoqela ngengubo wayamtshiya kundledlana engemva kweSonto yakoSengwayo elokitshini lePelandaba wabaleka.
Umntwana lo wadojwa nguMnumzana Danisa Tshuma owayezidlulela ngelanga elilandelayo wayabikela amapholisa.
Umetheswacala wabanjwa wabotshwa ngemva kokubana amapholisa edingisise ngaloludaba kwatholakala ukuthi nguye unina womntwana njalo wayemlahlile.
Umetheswcala ulivumile icala lakhe.
Ngemva kokulalela icala lobufakazi, umantshi uMnumzana Stephen Ndhlovu, uqume ukuthi umetheswacala ayesebenzela umphakathi amahola angamakhulu amathathu lamatshumi amahlanu (350).