uMthunywa
ILIZWE leZimbabwe lithakazelela iminyaka engamatshumi amane kusukela lathola uZibuse kunyanga ezayo ngaphansi kwendikimba ethi: Zim @40 — Defining the Decade towards the Golden Jubilee.”
Umcimbi lo uzakwenziwa koBulawayo okungokokuqala kumbali yelizwe. Kuminyaka eyedluleyo umcimbi lo ubusenzelwa esigodlweni seHarare.
Ekhuluma kumhlangano wePholithibhuro ngeviki ephelileyo u-Acting Secretary for Information and Publicity uKhomuredi Patrick Chinamasa uthe lokhu kuhambisana lohlelo lukaHulumende olutsha olwe- devolution.
“Imicimbi yokuthakazelela uZibuse izakwenzelwa kuzabelo ezitshiyeneyo, ngendlela ehlukeneyo lendlela okwakusenziwa ngayo kudala lapho imicimbi le eyayisenzelwa esigodlweni seHarare,” kutsho uKhmrd Chinamasa.
Lonyaka kukhanya umcimbi lo uzakube wehlukene leminye nanko phela zinengi inhlelo okukhangelelwe ukuthi ziqhutshwe.
Ekhuluma lentatheli uMphathintambo wogatsha lwe-Information, Publicity, and Broadcasting Services u-Monica Mutsvanga uthe abazaphatheka kumcimbi walonyaka ngabavela lapha eZimbabwe kanye laphandle kwelizwe njalo bazakhombisa ukuqakatheka kwezimiso zikaVision 2030 ezigoqela phakathi kwazo ukubambana kanye lokubandakanyeka kwezenhlalo lezomnotho.
Ekhuluma ngedikimba yalonyaka uMphathintambo Mutsvanga uthe: “Indikimba yalonyaka yakhiwe phezu kweqiniso lokuthi ekufinyelelen iminyaka engu-40 ilizwe selizinzile njalo lilakho ukukhangela phambili ngokuziqhenya njengelizwe elizakhela ikusasa lalo elihle.”
Phakathi kwezinhlelo ezizakubakhona kulomdlalo wabantwana oka mhlaka 17 Mabasa 2020 eZimbabwe International Trade Fair Grounds kuHall Number 2 koBulawayo.
Works uJuly Moyo uthe lonyaka akugujwa ngosuku olulodwa ezizakwenelisa ukudonsa kuze kuyephela umnyaka.
ezizakwenelisa kuze kuyephel nje kodwa umnyaka wonke kungakho-ke kudingakala ukuthi kube lobuhlakaniphi baphezulu ukuze kuhlelwe inhlelo “Kunengi okuhleliweyo okufana lokuzithengisa kwamankampani esebenzisa ama-floats.
“Kunengi esifuna ukukwenza njalo lonyaka. Kumele sikwenze kwehlukane leminye iminyaka,” nguMphathintambo Moyo lo.
UMphathintambo Mutsvangwa uthe ugatsha lwakhe luzakuba lemikhankaso etshiyeneyo eqondane lokugujwa kwe Zim @40.
“Umsebenzi lo umqoka. Sikhuluma ngeminyaka engamatshumi amane yenkululeko okumele imanyanise amaZimbabwe onke, okuzagcizelela ukubambana sihamba loluhambo silubhekise kumnyaka ka2030 sisonke.”
