Ethel Ncube
AKUBIZWA ozwayo koBulawayo ngoLwesihlanu kuyonale iviki lapho uKiller T azabe ejabulisa abantu khona ePalace Hotel.
UKiller T uzabe efika okokuqala koBulawayo selokhu saqala umnyaka ka2023 njalo esitikini uzabe eloMa9nine laboDJ Mandoza, DJ Keitho.
Ekhuluma loMthunywa uMnumzana Tapiwa Gandiwa ongumqoqi womcimbi uveze ukuba kuzabe kugidwa kungadlalwa.
“Kuliviki sizabe siloKiller T emcimbini wethu, sinxuse abaculi njengendlela yokuzama ukuphakamisa abahlabeleli. UKiller T usithembise ubunandi bodwa, akula ozasala ehlezi esitulweni, wonke umuntu uzanyikinyeka ngokukholisa kuphela.
Umfanekiso lo uthethwe kuShutterstock
“Sesilindele ukuba ilanga lifike abantu bakoBulawayo bazikholisele umculo omnandi esiwuphathelwe nguKiller T ehamba loMa9nine,” kubika uTapiwa.
Uqhubekele phambili eveza ukuba wonke umuntu ukhululekile ukuza ebunandini ezokholisa.
“Bulawayo omuhle siyalinxusa ukuba libuye lizokholisa ePalace lizizwele elikuphathelwe ngabaculi, lingaphuthi ngoba lizakhuthwa ngokunengi. Abangakatholi amatikiti ababuye bezozitholela ukuze benelise ukungena emcimbini babone uKiller T loMa9nine laboDJ abatshiyeneyo,” kuphetha uTapiwa.
