uMthunywa
ZIMKHALELE owesilisa waseMbitane, eMaphumulo osolwa ngokugwaza abulale indodana yakhe yatshona evikela umkakhe. Simuncu isimo emdeni wakwaNjapha kulandela isehlakalo esenzakale lapho uMnu Xolani Njapha (37) egwazwe wabulawa nguyise emva kwengxabano equbuke phakathi kwakhe lonina. Kubikwa ukuthi umufi ugwazwe nguyise wabe esephuthunyiswa esibhedlela lapho efike watshonela khona.
ILANGA lithole ukuthi ingxabano phakathi kwalaba iqale ngesikhathi unina kamufi emfihlela ingqamu abefuna ukuyithatha njengoba ubephuzile. Kuvele ukuthi umufi ubejwayele ukuhamba ephethe ingqamu nxa esiyanatha utshwala okuyinto unina abengahambisani layo, kuthe uma emfihlela wona kwabe sekuqubuka ingxabano ebangele ukuthi acine etshonile.
Nkkz Zothile Njapha ongudadewabo kamufi uthe bengumdeni babhekene lesimo esinzima abangazi ukuthi bazodlula njani kuso. Uthe umufi ubengumuntu okhonze uphuzo oludakayo, esikhathini esinengi ubesiba lodlame nxa enathile.
“Yize bengingekho ekhaya kodwa engikuzwile ukuthi umfowethu ufike ekuseni ephuzile wabe esefuna ukuthatha ingqamu. Umama ubengayizwa kahle indaba yakhe yokuhlezi ephethe ingqamu ngoba emazi ukuthi ungumuntu ololaka uma esephuzile lobekungagcina elimaze abanye abantu lapho esuke ephuza khona.
Wasethatha ingqamu wayifihla. Lokhu kumncasulile umfowethu wabe esexabana lomama bebanga indaba yengqamu. Kugcine kufinyelela ekutheni afune ukulimaza umama njengoba bebexabana okulapho ubaba ebe esengenela khona ezama ukuvikela umama. Babe sebesilwa okuholele ukuthi agwaze umfowethu.
Ngithole umbiko wokuthi usephuthunyiswe esibhedlela okuthe kuhamba isikhathi ngathola ukuthi usetshonile, “Kutsho uNkz Njapha. Eqhuba uthe bengumdeni bayakuqonda ukuthi uyise ubengaqondanga ukwenza lokhu, kodwa ubezama ukuvikela unina. Uthi yize engelaso isiqiniseko sokuthi ezinye izihlobo zizizwa njani kodwa bona bayamxolela uyise.
“Ubaba akayena umuntu olodlame, futhi siyazi ukuthi okwenzekile kube liphutha. Abezama ukukwenza ukuvikela umama njengoba umfowethu ubefuna ukumlimaza. Kodwa-ke ngalokhu angikhulumeli wonke umuntu ngoba asazi ukuthi ezinye izihlobo zona zicabangani, thina ohlangothini lwethu, simxolele” kutsho yena.
Uthe njengamanje basazama ukuhlanganisa ukuze bezofihla yize kunzima njengoba kunguyena yedwa otohozayo. Okhulumela amapholisa KwaZulu-Natal uConst Thenjiswa Ngcobo, usiqinisekisile lesi sehlakalo wathi kuvulwe icala lokubulala kanti ukhona umsolwa oleminyaka engu-60 obotshiwe kanti uzobuyela enkantolo maduze.
