uMthunywa
YiNtatheli kaMthunywa
UGraham Ncube umdlali weTriangle ubike ukuba kulezinsuku uzizwa eqinile njalo nguye ozakuba yinsika yokuthi ithimu le ingaxotshwa kuPSL.
UNcube, owadlalela iHighlanders leChicken Inn engakayi kuTriangle, uthe ngeke avume ukuthi adlalele ukubuyela ku-Division One.
Umdlali lo uyazethemba njalo ulesibindi sokuhlasela loba yiphi ithimu kulesisigaba sesibili.
Ababukeli benguqu bameyisa uNcube ngesikhathi esuka kuHighlanders esiya kuChicken Inn ngemva kwalokhu wayadlalela iTriangle. Kwakuthiwa usekhulile njalo awusavuki umdlalo kuye.
Efika kuTriangle, uNcube uthe wazimisela ekuthini abisele umdlalo wakhe wakudala njalo ancede ithimu yakhe entsha yenelise ukudlala kuligi ephakemeyo, iPSL kusizini ezaqala kuyonale inyanga.
Abaqeqetshi beTriangle sebeveze ukuba uNcube uyinsika kuleliqembu elizama ukuthi liphutshe kakuhle kulisizini.
I-Triangle isivele yatshengisela ukuthi asiqembu elincinyane kunobhutshuzwayo. Ithimu le yanqoba ku-final yomqhugelwano we-One Wallet ngomnyaka ophelileyo lapho eyanqoba khona iDynamos. UNcube uthe lalonyaka bazaphinda babuthelele ezinye inkezo.
“Ngeke ngikutshele amanga, ngiqine saka enkundleni. Ithimu yethu ifuna ukuthwala inkezo ezinengi.Yikho phela esikudlalelayo. Ngokubona kwami, inguqu yeTriangle iyatshisa.
“Ngifike ngaba ngumdlali omutsha eTriangle. Angesabi ukutshela abalandeli bomdlalo ukuthi izimanga zami lizazibona isizini le ingakapheli.”
UNcube wasuka kuBosso ngesivuvu ngoNtulikazi ka2013 ekhokhela ngokuhlohla, amabhola amahlanu.
Umdlali lo ungene kuTriangle esehlezi inyanga engalikhabi. Wabizwa kulithimu ngenjongo yokuthi azovala isikhala sabagadli.
Ukhulume ezitshaya isifuba ukuthi iTriangle kungaba liqembu elizadanisa amathimu amanengi isizini ka2014 isiyaphela.
Udumo lwakhe kunguqu lavela kuqembu leBosso alidlalela esafinya ngendololwane waze waxotshwa kulo.
