uMthunywa
Ethel Ncube
KULODOKOTELA weBinga omiswe emthethwandaba esetheswa icala lokudlwengula umntwana oleminyaka engaphansi kwe-18.
Udokotela uJabulani Dube uzabuyela emthethwandaba mhlaka 22 kuyonale inyanga eHwange, okwakhathesi usavalelwe elinde ukuba icala lakhe lithonisiswe.
Umtshutshisi uQuiet Mpofu uveze ukuba umsolwa wetheswa icala lokudlwengula.
“Mhlaka 7 kuyonale inyanga umntwana oleminyaka engu-13 wafika eBinga Medical Centre ehamba loyisekazi elande ukuyahlolwa (review). Bathi befika udokotela wathi kababuyele ngekhaya uzabafonela babuyela. Kuthe sekuntambama wabafonela ukuba babuye. Bathe befika udokotela wathi uyisekazi womntwana kasale ehlezi ebhentshini yena angene laye amhlole.
“Wangena lomntwana wathi kakhuphe izigqoko zakhe zangaphansi zonke umntwana wenza njalo. Umntwana uthe esalibele udokotela wavula izipha yebhulugwe lakhe wamdlwengula,” kubika umtshutshisi Mpofu.
UMantshi uMoses Musiiwa udlulisele icala leli eHwange lapho uJabulani Dube azaphindela khona emthethwanda mhlaka 22 kuyonale inyanga.
