uMthunywa
Ethel Ncube
KULEJAHA elidabuka ePlumtree elidinga ukuxhaswa ukuze ithalenta lalo lokutshaya ingungu lokuhlabela likhule.
UMthulisi Ndlovu oleminyaka engu-34 yokuzalwa owakhulela edolobheni lePlumtree owaziwa ngokuthi nguQue waqala ukutshaya ingungu esafunda izifundo zaphansi.
Ekhuluma lentatheli uMthulisi uveze ukuba ithalenta lokuba ngumtshayi wengungu laqala emncane.
“Ngaqala ukutshaya ingungu emgidweni yesintu ngisafunda eDingumuzi Primary njalo ngangingena futhi esitikini ngigiye imigido yesintu. Ngaqhubeka ngingena kumqudelwano yokugida lokutshaya ingungu lapho engangisenza kuhle kakhulu ngaze ngaqeda imfundo yami yaphansi.
“Umama wayengisekela loba wayengenelisi ukungenzela okunye okwakufuneka kodwa ke nguye owangivuelela amasango. Ngo-2005 ngaba yintshantshu yokutshaya ingungu le-marimba ngathola isithupha salokho eChipawo eHarare,” kubika uMthulisi.
Uqhubekele phambili eveza ukuba ithalenta lakhe ufuna ukulihlakulela.
“Ngifisa ukuba ngiqhubeke ngikhulisa ithalenta lami ngicela abangangiphathisa ngezigingci ezitshiyeneyo ekuhlabeleni lekutshayeni ingungu.
“Ngifisa ukuthatha lelithuba ukuthi ngibonge kuHandsome Sibanda ongomunye ophakamisa abaculi wangincedisa kakhulu kuthalenta lami. Ngibonge kubobonke engafunda labo abangixhasayo lamanye amaqembu engasebenzisana lawo,” kuphetha uMthulisi.
