uMthunywa
Thokozile Mbedzi
ISENGUNDABAMLONYENI kuzakhamizi zelokitshini lakuD 15 Railway Block eShurugwi indaba yokufa kwenye indoda egwazwe ngenye kulandela ukudibana besiyabona intombi yinye.
Isikhulumi samapholisa esabelweni seMidlands ulnspector Emmanuel Mahoko uthe amapholisa adinga uChiedza okungasatholakalanga isibongo sakhe kunye lelinye ijaha lakhe abagwaza babulala uRobson Guni oleminyaka engu-32 yokuzalwa kulandela ukuhlangana bezodinga uChiedza.
Kuzwakale ukuba uGini wafika lapho okuhlala khona uChiedza kanti mhlalokho wayengabuzanga elangeni ngoba wafica intombi yakhe ilelinye ijaha bahle baxabana andubana uChiedza lesithandwa sakhe bagwaze uGuni bamtshiye efile.
Isehlakalo lesi kubikwa senzakala mhlaka 24 Mpalakazi 2022 njalo ababili laba lokhe bengakabotshwa. Isikhulumi samapholisa siveze ukuthi badinga usizo lukazulu ukuze kutholakale ababili laba.
“Sicela ongabe elolwazi lokuba uChiedza lejaha lakhe bangaphi abikele amapholisa aseduzane laye ukuze babotshwe masinyane,” kutsho uInsp Mahoko.