uMthunywa
KULOCWANINGO osoluveze ukuthi abatshayeli besifazane batshayela ngcono kulabesilisa.
Lolucwaningo lwenziwa ngemininingwane etholakale kuzehlakalo zabatshayeli ngenye inkampani eseSouth Arica iNetstar ethungatha imota ezebiweyo.
“Esikutholileyo yikuthi amakhasimende ethu esifazane atshayela ngcono kulawesilisa ngezinyanga ezine esihlole ngazo,” kutsho uCliff de Wit oyisikhulu esiphezulu sezobuchwephetshe eNetstar.
“Ulwazi siluqoqe ngokusebenzisa ubuchwephetshe beNetstar obuhlanganisa ama-sensor emota, inkombandlela lobunye ubuchwephetshe.”
Lolu lwazi luveza okwenzeka ngaleso sikhathi futhi lusetshenziswa langamankampani omshwalensi ukubheka ukuthi abatshayeli batshayela njani ukuze zazi ukuthi ingakanani imali yomshuwalensi okumele ziyibhadale.
Ucwaningo belubheka izingozi ezibikiweyo, ukubhreka mawala, ukunyathela mawala amafutha, ukujika kanzima emakhoneni kwabesilisa labesifazane.
Kukho konke ucwaningo luveze abesifazane njengabenza ngcono.
Izehlakalo ezithinta ukungena engozini loba ukutshayisa ezinye izimota ngokwezibalo zibe ngu-1,3% ezabesifazane kuzo zonke zibhekiwe futhi ezabesilisa zibe ngu-1,4%.
Kubo bonke abacwaningiweyo, abangu—16,5% wabesifazane ubhreka kabi kuthi abesilisa babe ngu-22,8%.
Abesifazane abanyathela mawala amafutha bangu-4,5% nxa kuqathaniswa le-10% yabesilisa. Abajika kubi emakhoneni bangu-13,2% abesifazane kanti abesilisa bangu-18,8%.
INetstar ithe lolu cwaningo luhambisana lolwakamuva olubheka ukufa kwabantu emgwaqweni olwenziwe e-United Kingdom.
Lolu cwaningo lwe-Injury Prevention luveze ukuthi banengi abafayo kuzehlakalo ezithinta abesilisa kulabesifazane. Lokhu kwenzeka kuzo zonke izinhlobo zezimota kanye lamabhayisikili.
“Laphezu kwemiphumela yocwaningo kodwa sigqugquzela bonke abatshayeli ukuthi batshayele ngonanzelelo futhi basebenzise ubuchwepheshe ukuthuthukisa indlela abenza ngayo futhi basindise lempilo yabantu,” kutsho uWit. — Isolezwe