uMthunywa
UZINIKELE emapholiseni owesilisa oleminyaka engu-28 osolwa ngecala lokutshaya intombi yakhe yaze yatshona kulandela ukuyibamba iqabulana lomunye umuntu wesilisa ethaveni.
Isidumbu sikaNkosazana Sisanda Cebekhulu (22) weNtendeka oLundi sitholwe endlini yesoka ngeSonto esefile.
Isoka likamufi kuthiwa liziyele lona enkambeni yamapholisa layabika ngalo umonakalo ngeSonto labe selibotshelwa icala lokubulala.
Ngokuthola kweSolezwe, ngoMgqibelo ebusuku umsolwa uye ethaveni ye-Abony wabe esebamba oqotsheni intombi yakhe iqabulana lomunye wesilisa.
Umsolwa kuthiwa ucele ukuthi baye ekhaya lentombi yakhe.
Kuthiwa endleleni eya ekhaya ubelokhu eyitshaya ngenduku intombi.
Kuthe loba sebefike lapho abahlala khona uqhubeke ngokutshaya intombi yakhe ngenduku.
Laba bobabili babe sebelala. Ekuseni ngeSonto umsolwa esevusa intombi yakhe ibingasaphefumuli, kuthiwa ibigcwele igazi emakhaleni lasesiswini ilimele.
Ngemva kwesikhathi, umsolwa ube esebikela amapholisa ngokwenzekile.
Uyise kamufi, uMnumzana Mandla Cebekhulu, utshele Isolezwe izolo ukuthi akalazi laleli soka lendodakazi yakhe.
“Sizonde kakhulu njengomdeni ngendlela indodakazi yethu etshone ngayo. Kwayena lo mfana obehlala lendodakazi yami angimazi, akakaze alobole lapha ekhaya.
Sesithola nje manje ukuthi bebehlala ndawonye ngoba bethandana,” kutsho uCebekhulu.
Uthe indodakazi yakhe yayeka isikolo kuGrade 12 yabe isibaleka ekhaya.
Uthe indodakazi yakhe ike yabuya ekhaya imabokoboko ithi itshaywe yilo leli soka abangalazi, wabe eseyitshela ukuba ingaphinde ibuyele kulo kodwa isipholile yeqa yayohlala lalo.
“Bebelesikhathi esingaphansi komnyaka bethandana ngokuthola kwami. Angazi lokuthi bebebangeni baze balwe. Engikutholile ukuthi umsolwa utshaye indodakazi yami wayiklinya yaze yatshona,” kutsho uCebekhulu.
Okhulumela amapholisa KwaZulu-Natal uLt Colonel Thulani Zwane uthe, umsolwa uzobhekana lecala lokubulala.
“Owesilisa oleminyaka engu-28 uzinikele emapholiseni asoLundi ngecala lokutshaya owesifazane, okuthe ngakusasa kwatholakala ukuthi utshonile. Uzobhekana lecala lokubulala,” kutsho uZwane.
