Ubonga uzakwabo ngobunzima abhekane labo eqopha

16 Jun, 2022 - 00:06 0 Views
Ubonga uzakwabo ngobunzima  abhekane labo eqopha UNOMBULELO Mhlongo uthi akubanga lula ukudlala indawo yowesifazane ohlukumezwayo

uMthunywa

UMLINGISI weDurban Gen, uNombulelo Mhlongo, uphumele obala ngobunzima ahlangane labo ngesikhathi elingisa indawo yowesifazane ohlukunyezwa ngumyeni wakhe.

UNombulelo (33), olingisa indawo yomhlengikazi onguSne otshade loDkt Dhlomo (Nyaniso Dzedze), uthe le ndawo kaSne imphonsele enkulu inselelo njengoba kuze kwangenela uNyaniso lomkakhe.

“Abantu abanengi abazi ukuthi kunjani ukuba ngumuntu wesifazane obhajwe ebudlelwaneni obumhlukumezayo, uthande umuntu okuzwisa ubuhlungu ngaphezu kwawo wonke umuntu,” kutsho uNombulelo obenguNomcebo kuZalo loCassandra Masemola kuSkeem Saam.

Nyaniso Dzedze

UNombulelo ubonge uNyaniso lomkakhe, uYanafay Dzedze, ngokumeseka emphefumulweni, ekumqeqetsheni lasebuhlakanini okuyibo abusebenzisile ukwenza indawo ayilingisayo ikholeke.

“Lesi sikhathi besinzima kabi kodwa uzakwethu kulo mdlalo, uNyaniso, wenze kwaba lula, wangisusa umthwalo emahlombe.

Lawe Yanafay, ubuhlakani bakho bungisizile ukuba ngikwazi ukunqoba imizwa yami lokukwazi ukusebenzisa ubuchule njengomlingisi. Sengijahe kabi libone ukuthi iyozala nkomoni kulesi siqephu sethu,” kuphetha uNombulelo. – Ubulembu

Share This:

Sponsored Links