uMthunywa
Ethel Ncube
ZISELE zibambe owangaphansi izakhamizi zeSingeni eLupane ngemva kokuba elinye inina lixotshwe ekwendeni kulandela ukubanjwa xhaka liphethe isikhindi somkalo livela mkhiya.
UMthunywa uzwe ukuthi uSenziwe Moyo wathatha isikhindi somkakhe esiyamkhiya isitho sangasese ukuze singasebenzi nxa elabanye abesifazana.
Ekhuluma loMthunywa uNkosazana Nokukhanya Ndebele oyisakhamuzi kule indawo uveze ukuba indaba le isegudwini.
“UMaMoyo wathi evela lungisa umkakhe kwenye inyanga wadibana lomkakhe owahle wamgama ngemibuzo, ngokuswelakala kwenhlanhla kwasekukhithika iphepha lilomuthi lephenti lomkakhe,” kutsho uNkszn Ndebele.
Uqhubekele phambili echaza ukuthi umkakhe wahle wazonda wagana unwabu yahamba laye kuyisekazi.
Kubikwa umkaMaMoyo, uMnumzana George Ndlovu wathi efika lomkakhe kuyisekazi wabonga isikhathi asichithe lomkakhe andubana athathe isikhindi sakhe afulathele etshiya umkakhe.
Iphephandaba likazulu lixhumane lobabakazi kaNkszn Moyo, uNkosazana Lindiwe Moyo oveze ukuthi lindaba iyamangalisa kakhulu.
“Mina ngeke ngikhulume okunengi ngokomuzi wabantu ngoba angazi lutho. Lami ngabona sebemlethile khonapha kuthiwa ubanjwe evela enyangeni lesigqoko somkakhe, yikho engingakutsho,” kutsho uNkszn Moyo.
Ekhuluma loMthunywa uMnu Ndlovu uchaze ukuthi yena angeke ahlale lomfazi ohamba enyangeni.
“Mina ngithi ngithethe kanti umfazi ucabanga ukuthi kungcono angikhiye isitho sami ukwenzela ukuthi kuthini? Mina kakaze angibambe lomuntu, okwenza angicabangele into embi kangaka kuyini? Angacina engifakela phela, ngimbisele ngayabonga ngakibo,” kutsho uMnu Ndlovu.
Intatheli izamile ukuxhumana loNkszn Moyo wavuma ukuthi wakwenza lokhu.
“Ngikobabakazi ngivakatshile ngizabuyela emzini wami. Okwephenti ngeke ngikhulume izinto zomuzi wami lomuntu ongasiso sihlobo sami,” kuphetha uNkszn Moyo.
