uMthunywa
Isandiso ngolunye ucezu lwenkulumo olungena ngaphansi kwesikhanyiso njengesenzukuthi.
Isikhanyiso ligama elikhanyisa isilandiso.
Likhanyisa ngesenzo, ngesibanjalo, ngesichasiso, noma ngesinye isikhanyiso (isandiso loba isenzukuthi) mayelana lesimo loba indawo loba isikhathi.
Izibonelo: Themba yiphathe kahle lengane yakoNdlovu. (Isenzo).
Lijaha ngempela uMzingaye (isibanjalo).
Wambamba wamuthi ngxi entanyeni. (isenzukuthi).
Uthandaza kuhle kakhulu lo umtshumayeli.
Yiziphi lezozandiso kuyole imitsho hlezi abanye bangazizwisi: yiphathe – yisenzo.
Lijaha – yisibanjalo. (ngxi) yisenzukuthi. Kakhulu – ngesinye isandiso njalo.
Imihlobo yesandiso: Izandiso zendawo (Ondaweni).
Izandiso zesimo lezandiso zesikhathi.
Ukwakhiwa kwezandiso zendawo emabizweni ezigaba 3-11, 14 lo 15.
Singakachazi ukuthi izandiso zendawo zakhiwa njani emabizweni alezi zigaba, ake sihlole lezi zandiso kuqala.
Siza zihlela ngaphansi kwalezi zihloko ezilandelayo: Isigaba, Ibizo kanye lesandiso: Kusigaba 3 ibizo; umfula, isandiso ngu/emfuleni/.
Kusigaba 4 ibizo; imifula, isandiso ngu/emfuleni/.
Kusigaba 5 ibizo; ibhiza, isandiso ngu/ebhizeni/.
Kusigaba 6 ibizo; emabhizeni/, isandiso ngu/emabhizeni/.
Kusigaba 7 ibizo; isando, isandiso ngu/esandweni/.
Kusigaba 8 ibizo izando, isandiso ngu/ezandweni/.
Kusigaba 9 ibizo; ingulube, isandiso ngu/engulubeni/.
Sizakuma lapha lamhlanje.
Sizaqala lapha kusibanga esizayo besesisitsho ukuthi zakhiwa njani izandiso zendawo.
