uMthunywa
YiNtatheli kaMthunywa
UGAVUNA webhanga lesizwe iReserve Bank of Zimbabwe uDokotela John Mushayavanhu wethule imali entsha esizasetshenziswa kuleli ebizwa ngokuthi yiZiG, kuMonetary Policy Statement lamuhla.
Imali entsha iza ilezamaphepha ama $1, $2, $5, $10, $50 kunye le $100 kube lezamatshe ama-half lama- quarter ZiG.
Uthe imali esebhanga ye-ZWL izatshintshwa ibe yiZiG kukanti labo abalama- bond notes balakho ukuyawafaka ebhanga. Imali le izakwamukelwa okwensuku ezingu-21 kuphela.
UGavuna uMushayavanhu uveze njalo ukuthi labo abalemali edlula iZWL$100 000 ngemakhaya kumele bachaze ukuthi bayithethe ngaphi lesizatho sokuyigcina.
Inguquko kumali yakuleli izakuba lomthelela kumkhonomi kunye lasekusetshenzisweni kwezemali okutsho ukuba kuzakhangelisiswa.
