uMthunywa
Silo Cornelius Luphahla
BAKWETHU njengoba babethi awukho umuzi ongathunqi ntuthu njalo ungaze ubabone behleli kamnandi zikhona lakho indaba emzini yabo, ngakho ngithanda ukucazulula indaba lezi ezivame ukuba khona emzini yabantu. Indaba emqoka lapha ngeyokuthelelwa kwesithelo sevini sihlale sihlambulikile.
BakaMthwakazi ngithinta udaba lwesithelo sevini ngoba minengi imizi esichithekile ngenxa yokuthi umama walapha ekhaya uyabe engazi ukuphatha kuhle isithelo sakhe sevini njalo abuye njalo aphile ngodlame.
Angithi nje okunye okudala lokhu yikuthi amanye amanina kawazi ukuthi umhlola lamanzi kufanele kuzwanane.
Ukugeza lokhu kukabili njalo kuqakathekile kakhulu. Yebo kambe umuntu ungambona ecwebezela enukelela amakha amnandi kodwa uthole ukuthi umkakhe uyambalekela endlini ekhala ngokungathandi kwakhe amanzi.
Lapha indaba embalekisayo nxa kuyikugeza kuyabe kuchazwa ukugeza umhlolo uqobo. Lapha ke kuyingozi bakwethu ngoba bakhona abanye abesintwana abadalwa ngendlela yokuthi angavela alabile kanye isithelo sevini nxa engawuhlambululanga kuhle umhlolo kuhle kube ngokunye endlini. Abanjalo ke yibo okuvame ukuthi babalekelwe ngomkabo.
Inengi lamanina anjalo kalikuzwa lokhu ngoba evele esekujwayele njalo uhlupho lwabo yikuthi umkakhe angavele amtshele ngakhona uhle avuke ubunke. Okunye njalo amanina anjalo isithelo lesi basithelela ngamanzi atshisayo kuhle kube ngokunye bantu benkosi, owesilisa nxa ethi qoki koNdlunkulu agalule azwe engasathandi lutho. Kuthi kunjalo omunye uhle asuke ayedinga ukuphephela komakhelwane lapho afike athole indlu ecolekileyo okungazwakali ngitsho lephunga lesithelo sevini.
Amanye amadoda angabona okunjalo ahle adele imizi yawo uzwe sokuthiwa indoda idliswe udelunina ngumakhwapheni kanti cha yikuziphatha komuntu. Noma kunjalo madoda kuhle ukuthi owakwakho nxa engakujabulisi umncenge kuhle umchazele ukuthi uhlupho lungaphi hatshi ukuyaphephela komakhwapheni.
Okunye njalo bakhona abesifazana abathi bengavele bende umuntu wakhona kuhle kukhale esakhe isicathulo indoda sisithola isithelo kanye ngeviki khonapho ethi uyayikhawulisa. Kambe umkhawulisa njani omunye wakho bakwethu? Angithi indoda enjalo iphetha sisiyacocobisa komakhelwane uyibone nsukuzonke isihlala ingesuthiyo.
Yebo kambe ungabe ungakwazi ukuthi ungageza njani kodwa ungasebenzisa amanzi aqanda kakhulu kuyenza ukuthi isithelo sibambane singaze sagcwala amanzi ngoba kayikho indoda ethanda ukubhukutsha esithelweni bakwethu.
Bakwethu nxa ungowesifazana kuqakathekile ukuthi ukwazi ukuzehlisa kowesilisa njalo laye kufanele azehlise libonisane nxa kuthe kwaba lephutha.
Ngithemba kuzwakele lina besilo ngakho kuzakuba lokuthula ezindlini lapha ngaphandle kwalabo abangazikhuziyo.
Labo ke bazaze bayewela komlindi uyacina.
