uMthunywa
Ehlobo yisikhathi sokudla ikwindla. Abantu abanengi balomumbu. Bayawupheka baphinde bawose. Nanku abangakwenza ukuze benze izinkwa ngawo umumbu omanzi.
Okudingakalayo
1. Iziqu ezilingana imuli yakho
2. Imbiza
3. Amakhasi leziqu ezingela mumbu
4. Ilitshe lokucholela lembokodo kumbe umtshina wokuchola wezandla (hand mincer)
5. Umtshina wokuchola wegetsi
6. Ifulawa elemvubelo (self-raising flour)
7. I-margarine kumbe amafutha (cooking oil)
8. Isawudo
9. Itshukela
10. Amasi kumbe isawa
11. Umhluzi wenyama
12. Umganu wokuhlanganisela
13. Ingqamu
14. Uphini
15. I-baking powder/ imvubelo
Ukwenziwa
+ Hluba amakhasi omumbu.
+ Phulula ukhuphe zonke indevu.
+ Hulula inhlamvu zomumbu zisuke eziqwini ngengqamu.
+ Susa indevu emunjini ohululiweyo.
+ Thela umumbu olingeneyo elitsheni ubusu fahla/ chola ngembokodo wenze inhlama. Kumbe ungachola ngomtshina wezandla kumbe umtshina wegetsi kumbe ugige umumbu ngengiga.
Ukupheka izinkwa zomumbu
– Faka inhlama yonke emganwini.
– Thatha i-margarine/ cooking oil ngesilinganiso sakho uyifake phezu kwenhlama.
– Hlanganisa i-margarine lenhlama ngezandla ezigeziweyo.
– Vuvuzela ifulawa phezu kwenhlama uhlanganise.
– Hlanganisa ngamandla akho ukuze kuhlangane.
– Vuvuzela ifulawa phezu kwenhlama uhlanganise.
– Hlanganisa ngamandla akho ukuze kuhlangane.
– Thela isawudo letshukela lemvubelo ngesilinganiso sakho (baking powder).
– Thatha imbiza yokuphekela uthele amanzi uyibeke eziko.
– Ngokunjalo faka iziqu embizeni wendlalele esibunu sembiza.
– Thontisela amafutha embizeni.
– Lungisa amakhasi omumbu owahlubileyo.
– Thatha inhlama yomumbu uyifake emakhasini omumbu elinye ikhasi ngaphansi elinye phezulu.
– Bona ukuthi inhlama yonke ivalekile.
– Faka inhlama le esivaliwe ngamakhasi embizeni.
– Vala imbiza uyekele kubile okwemizuzu emibili.
– Phinda ulungise enye inhlama njengakuqala.
– Vula njalo imbiza uyifake.
– Vala kudlale imizuzu engu-2.
– Yenza njalo ngenhlama ize iphele.
– Vala uyekele kuvuthwe okwemizuzu engu-20.
– Nxa sekuvuthiwe yephula imbiza eziko uphakulule izinkwa.
Ukudliwa
– Zimnandi nje uzidla njalo kodwa zidle lamasi kumbe isawa. Umhluzi unathise itiye yakho ngazo. Maye! Zimnandi bantu ungancitsha ongaboniyo.
