uMthunywa
OKHOKHO labogogo babethi bangadla ukudla kwemini kumbe okwantambama, bathi kufanele bagezise umlomo behlise ukudla. Lokhu babekwenza ngokunatha ihiqa, inkovu, umhluzi, amahewu, kumbe badle amasi lezithelo zeganga eziyabe zikhona ngaleso sikhathi babezidla. Thina lamuhla sitshaya ama-desserts ngemva kokudla imilomo isale imnandi. Ake sigeze imilomo ngale i-dessert bantu sehlise ukudla.
IChocolate Pie
Okudingakalayo
– Ingxenye yenkomitsho ibhata kumbe i-margarine
– Itshukela inkomitsho ezingu-2½
– Isiqa sechocolate (10 ounces)
– Ukhezo lwetiye i-vanilla essence
– Amaqanda amabili
– Ulaza (cream) ingxenye yenkomitsho yetiye
– Amazambane akhanzingiweyo acezulwa asuswa amakhasi abeyiyingxenye yenkomitsho yetiye
– Ifiriji kumbe itshebetshe elimanzi nxa kungela firiji
– Umganu wokuhlanganisela
– Uphini lokuhlanganisa amaqanda
Ukulungisa kweChocolate Pie
– Hlanganisa itshukela le-margarine kube luncuntshancutsha.
– Ncibilikisa isiqana sechocolate usiyekele siphole. Ungasitheli.
– Khathesi sithele phezu kwencuntshancutsha zetshukela le-margarine uhlanganise.
– Thela i-vanilla essence.
– Faka iqanda linye ngalinye utshaye aze aphele wonke.
– Hlanganisa konke kuze kuhlangane isibisibili.
– Khathesi tshaya ulaza (cream) okwemizuzu emihlanu.
– Thela ulaza phezu kwalelincutshancutsha.
– Khangelisisa ukuthi ulaza lusendaweni zonke lapha emganwini oluthele khona.
– Thela amazambane akhanzingiweyo phezu kolaza aze athi yalala
– Thatha umganu lo uwubeke efrijini (fridge) kumbe etshebetshebeni elimanzi okwehola elilodwa.
Ukudla
Lesi sincamuncamu sidliwa ngemuva kokudla kwemini kumbe ntambama ngokuhlephuna iziqana ufake kumiganu emincinyane elingana abantu abazakudla (dessert dishes)
Maye abantwana bayayithanda le i-dessert
Ake udle lawe ukholise ngemva kokudla, ungezwa ngelikabathi.
