uMthunywa
Sponge cake le lemon cake
Kambe ukhona ongalithandiyo ikhekhe na? Atshi angikamuzwa kumbe ngimbone:
Yibumofumofu bodwa nxa sekudliwa amakhekhe.
(1) isiponji khekhe (sponge cake)
Okudingakalayo
– Inkomitsho yetiye eyodwa yefulawa yokupheka amakhekhe angelavubelo
– Isawudo ngomcijo wokhezo lwetiye
– Ukhezo lwetiye i-baking powder
– Amaqanda angu 4
– 1¾ yenkomitsho yetiye i-castor sugar
– Ihafu yokhezo lwetiye okunukisa mnandi i-vanilla kumbe i-lemon essence
– Igabha lokubhekela
– Ioven etshisa okuyi 350F
Ukwenziwa
1 Sefa lokhu ndawonye kahlanu(5) ifulawa, isawudo le-baking powder.
2 Yehlukanisa umthubi weqanda lokumhlophe kwakhona.
3 Tshaya imithubi yodwa ize ibelula, hlanganisa letshukela lokunuka mnandi, hlanganisa lokumhlophe kwamaqanda.
4 Hlanganisa konke lokhu ndawonye lalokhu okusefiweyo kuqala ifulawa lesawudo le-baking powder.
5 Hlanganisa ngokunanzelela.
6 Thela egambeni lokubhekela elingcotshiweyo.
7 Faka i-oven etshisa okungaba yi350F ubheke okwemizuzu esuka ku 36-40 minutes.
8 Khuphela owayeni umbokothe igabha ozalisusa nxa ikhekhe selipholile.
Nanzelela lokhu
Leli yilo ikhekhe ongalisebenzisa ekwenzeni i-trifle ngokunjalo unganathisa itiye ngalo.
Ilemoni khekhe (lemon cake)
– Inkomitsho zetiye ezimbili zefulawa engelambiliso (2 cups flour).
– Inkezo zetiye ezimbili lengxenye (2 ½) ze-baking powder
– Inkomitsho eyodwa yetshukela
– Iqanda elilodwa
– Inkomitsho ephose igcwale (¾) yochago
– Incosana yesawudo (¼ teaspoon)
– Ukhezo lwetiye i-lemon essence
– Inkezo zokudla ezintathu zetshukela
– Ukhezo lwetiye olulodwa lwesigogo selemon esigirethiweyo
– Ukhezo olulodwa lwetiye imithikazana ehlangeneyo (mixed spice)
– Ihafu yenkomitsho yetiye i-margarine
Ukwenziwa kwelemon cake
1 Hlanganisa i-margarine letshukela ngokupheleleyo, utshaye kuze kubelula.
2 Tshaya iqanda uhlanganise lochago uthele phezulu usukutshayile.
3 Thela incezwana zesigogo selemoni.
4 Sefa ifulawa ndawonye le-baking powder lesawudo.
5 Hlanganisa zonke izinto ndawonye uthele amazambane lemithikazana (mixed spice) le-lemon essence.
6 Phinda njalo uhlanganise kuze kube yinhlama ejiyajileyo.
7 Gcoba igamba lokubhekela ngamafutha, uphinde uvuvuzele ngefulawa phezu kwamafutha.
8. Bona ukuthi i-oveni yakho itshisa okugaba yi375F.
9. Faka inhlama yakho egabheni ubusulifaka ku-oveni uvale nqe.
10. Bheka okwemizuzu engamatshumi amathathu kusiya kumatshumi amane (30-40 minutes).
11. Khuphela owayeni umbokothe.
Nxa selipolile ikhekhe uzathi uphakamisa igabha, ikhekhe liphume lodwa. Lokhu ke kuba yibufakazi kokuphekela kuhle.
Nanzo ke izincamuncamu zamakhekhe amabili, zidlele ukholise.
