uMthunywa
Okudingakalayo
Ukhezo lokudla lwe-curry
Ukhezo lokudla lwemajarina
Ihanyanisi eyodwa isikwe yaba yizincezwana ezincane
Ukhezo lwetiye lwemithikazana ehlanganisiweyo (mixed herbs).
Ingxenye yenkomitsho yetiye amakhowa asikwe abazincezu.
Ingxenye yenkomitsho yetiye umhluzi oyenzwe ngenyama yenkukhu (broth)
Inkomitsho yetiye egcweleyo yolaza (cream)
Inkomitsho yetiye uchago
Iapuli elilodwa elisikwe labazincezu ezilula.
Inkezo izimbili zefulawa.
Inkezo ezimbili zamanzi
Iziqana zenkukhu eziphekiweyo ezigcwala inkomitsho ezinhlanu ezingelamathambo.
Amabhanana amabili, amazambane akhanzingiweyo kanye lama raisins.
Inkomitsho zetiye ezimbili ze rayisi ephekiweyo
Ukupheka
Faka imajarina embizeni uyiyekele incibilike ubusuthela impuphu yekhari.
Khanzinga uphenduphendula kuze kube luthuthuvana.
Khathesi faka ihanyanisi, imithikazana ehlanganisiweyo (mixed herbs) amakhowa azincezu lencezu zeapuli (apple) uhlanganise ngokhezo kuze kuhlangane okupheleleyo.
Thela umhluzi wenyama yenkukhu (broth) uyekele kubile.
Hlanganisa ifulawa lamanzi aqandayo ubusuyithela phakathi kobundubundu lolu.
Pheka ngomlilo omncinyane ulokhu ugoqoza kuze kujiyajiye.
Khathesi-ke thela amaqatha enyama yenkukhu wonke.
Goqoza ufake isawudo
Yehlisa umlilo wakho wekele kuxhwathe okwemizuzu elitshumi.
Nanzelela ukuthi umhluzi kawutshi, ungabona usitsha thela amanzana
Thatha umganu okuthiwa yi-casserole omkhulu, thululela irayisi ephekiweyo njalo etshisayo.
Khathesi-ke cecisa ukudla lokhu okusemnganwini ngokunje;
Thela amazambane akhanzingiweyo, faka amabhanana ahlutshiweyo asesikwa aba zincezu.
Vuvuzela ama-raisins.
Khathesi-ke thatha umganu we-casserole ubeke etafuleni kumbe loba kungaphi lapha imuli yakho engawubona khona, ukwenze lokhu ungaphakakululi ukuze babone lokhu kudla okuhle.
Khathesi-ke phakulula bekhangele sebelokhu beginya amathe, angathi bangaze badlele kulo umganu mkhulu.
Bona ukuthi kudliwa kusatshisa ngoba kulapho okumnandi khona.
Nanzelela ukuthi ukupheka lokhu okunje kungenziwa ngenyama ezehlukeneyo.
Okwakho yikuba ulandele indlela le elapha yokupheka.
Kholisa-ke inkukhu yakho yecurried chicken.