uMthunywa
New Delhi – Owesifazane waseNdiya ubusiswe ngosana lomfana okokuqala ngqa empilweni yakhe eseneminyaka engu-70 ubudala, kanti uthi lokhu sekuwuphelelisile umndeni wakhe.
UDaljinder Kaur wabeletha ngenyanga eyedlule kulandela ukungena ngaphansi kohlelo i-IVF iminyaka emibili.
UKaur nomyeni wakhe oneminyaka engu-79 ubudala, uMohinder Singh Gilland, bese belahle ithemba ekubeni nomntwana othi bona, kanti bese bebizwa ngamagama aziswana kuthiwa baqalekiswe nguNkulunkulu.
Lezi zithandani zineminyaka engu-46 zishadile.
“Ngiyamethemba kakhulu uNkulunkulu ukuthi uzongihlelela konke. Uyizwile imithandazo yethu. Umndeni wami uphelele manje.
“Ngizozikhulisela le ngane nomyeni wami. Ingisize kakhulu i-IVF ekutheni ngithole umntwana.”— AFP
