uMthunywa
Ophezulu Stinta
Kundatshana yethu elesihloko USifundo sitshiye uGugu ephakathi kokulandisa udaba lwakhe lapho azithola esekhulelwe waba lobunzima bokugcina umthwalo wakhe. Ebunzimeni bakhe ukuyakhipha umthwalo kulapho abuya njalo waguqula umqondo.
Esexotshiwe yisalukazi ayesilande ngokususa umthwalo wakhe, wayesephithekene ekhanda wayengasakwazi ukuthi aqonde ngaphi, phandle kwakungumyama odla impisi, wayesezibona esephakathi kwengozi.
Sinanzelela ukuthi into yonke ilomvuzo empilweni. UGugu ngendlela aziphatha ngayo ngesikhathi uMusa engekho yikho lapho azithola esethole umvuzo wesisu, lesosisu wayengazi lokuthi wayengenzani ngaso wangena kusinqumo ayengazimiselanga kuso kukanti lesosimo sasilakho njalo ukuphambanisa amathuba akhe emsebenzini.
Okunye njalo siyananzelela njalo okuyisifundo esikhulu ukuthi yonke into emhlabeni eyenzakala ensitha kulemini eyisithutha lapho okuvela dandalazi emehlweni kazulu selaba libi kanje. UGugu wehluleka ukuzibamba wayesebihla sekunzima khona nje ukuhlanganisa amazwi. Isalukazi samvulela umnyango wangena.
Isalukazi lesi igama laso kwakungu MaMtshali. Wayengumuntu ozwisisayo njalo elesineke. Wayilalelisisa indaba kaGugu kazange ambize ngamagama. Ngomusa wavuma ukuthi kwakuzakuthi uGugu engakhululeka alethe usana lwakhe kuye amgcinele. Bobabili bavumelana ukuthi indaba le yayizakuba ngeyabo bobabili.
Isivumelwano basigcina benza njengokubekwa kwaso. Abantu kabazange bananzelele ukuthi uGugu lo wayekhulelwe. Waze wabeletha. UGugu wayemane avakatshele koMaMtshali ayebabona umfana waze wafikisa iminyaka emithathu kulapho okwazwakala ukuthi uMusa wayezaphenduka elizweni. Ngegama elithi uSifundo uGugu wayefunde okunengi empilweni ngokuziphatha ngendlela eqondileyo.
Ngokusweleka kwenhlanhla lapho esezimisele ukuchazela uMusa ngendaba ezenzakala engekho, ekufikeni kwakhe koMaMtshali wathola kubetha umoya. Indawo leyo yayiyindawo eyingozi kakhulu abanu babebulawa, imibhobho eyayiduma lapho kwakunzima lokuthi laye wasinda njani kuleyondawo ngalelolanga kakuzwisisanga uGugu.
Kwahle kwamcacela ukuthi umntanakhe kanye loMaMtshali babedliwe zinduduma zalemibhobho.
