uMthunywa
Cornelius Luphahla
KULANDELA indaba yenina lelokitshini leOld Lobengula koBulawayo ebelihlala lamadoda amabili ndawonye lilala lawo mbheda munye, uMthunywa udingisise kabanzi ngale indaba ngokuxhumana lesazi kwezamasiko njalo engumfundisi uMnumzana Paul Bayethe Damasane othe lokhu kwakungenzakali endulo njalo kutsha.
“Indaba yenina elihlala lamadoda amabili endlini yalo kangikaze ngiyizwe lami iyangimangalisa. Indaba le intsha kimi njalo kudingakala ukucubungulwa kabanzi ukuthi kungani inina leli lenze lokhu njalo amadoda akhona akwamukele kanjani.
“Asazi kumbe lelinina lizama ukukuveza sobala okuvame ukwenziwa ngabesifazana abanengi bekufihla ngoba bakhona abalamadoda amanengi kodwa bayabe bekufihla lokhu lawo bewafihlela. Kutsho ukuthi lelinina lize lombono walo omutsha njalo esingawaziyo emasikweni ethu,” kutsho uMfundisi uDamasane.