uMthunywa
USOLA amapholisa ePhongolo ngokuhudula inyawo ekuphenyeni udaba lokunyamalala kwendodana yawo maqede isidumbu sayo satholakala silezimpawu zokucuywa umdeni weMenyuka eMsuzwaneni, oPhongolo.
Isidumbu sikaMcebisi Menyuka (6) sitholwe ngabafanyana abalingana laye silahlwe eduze komfula, sicuyiwe. Intatheli bezike zabikelwa ngokunyamalala kwakhe okucine kuholela ekutheni kube lamalunga omdeni asolwa ngokuba lesandla kulesi sehlakalo.
Ngokutsho kukaNkosazana Samkelisiwe Menyuka (36) ongunina kamufi, ngoLwesibili olwedluleyo isihlobo sikamufi sizomcela ukuba asiboleke ingane ngoba sithi sisafuna ukuba imvakatshele okwezinsukwana.
“BekungoLwesibili efika ezocela ngimboleke ingane. Ngenqabile ngoba ngazi ukuthi kulomfowethu obezobuya ngoLwesihlanu oyaye athande ukuthi azithole ziphelele izingane zalapha ekhaya. Uthe uzoyibuyisa ngoLwesihlanu ngezikhathi zemini.
“Kuthe ngoLwesine ngathola umbiko wokuthi ufike wakhuluma lezingane ezibuza ukuthi akafikanga yini uMcebisi. Zilandulile izingane. Ubuyele emuva. Ngalolo suku wafonela umama embikela ukuthi ingane akayiboni ugcine ukuyibona emini.
“Isidumbu sitholakale sicuyiwe isitho sangasese, amehlo omabili akhitshiwe lezindlebe zombili. Isidumbu sitholakale eduze komfula lezimpahla zakhe. Ngibuzwile ubuhlungu ngoba lamanje ngiyabona ukuthi ingane yami ibulewe.
Okungixakayo yikuthi omunye engisondelene laye ubesanda kungitshela ukuthi usezoba lemali enengi njengoba ezokhipha u-R3 million awutshiyelwa nguyise.
“Okungixakayo yikuthi omunye engisondelene laye ubesanda kungitshela ukuthi usezoba lemali enengi njengoba ezokhipha u-R3 million awutshiyelwa nguyise.
“Lokhu kungenza ngibe lomqondo wokuthi ingane yami yiyona lena abekhuluma ngayo,” kutsho uNkkz Menyuka.
UNkkz Menyuka uthi ukhathazwa yisenzo samapholisa sokuhudula izinyawo kuloludaba.
Okhulumela amapholisa KwaZulu-Natal uConstable Thenjiswa Ngcobo, uthe amapholisa asoPhongolo aphenya icala lokutholakala kwesidumbu somuntu oleminyaka ewu-6 ubudala.
“Amapholisa avule icala lokutholakala kwesidumbu somfanyana oleminyaka ewu-6 obekubikwe ngokunyamalala kwakhe. Isidumbu sakhe sitholakale eduze komfula,” kusho uConst Ngcobo. — Isolezwe.
