uMthunywa
AKUKEDLULI ngitsho inyanga ezinhlanu umculi weqembu lembaqanga, iSoul Brothers, uDavid Masondo, wangcwatshwa kodwa kubikwa abantwabakhe sebebanga ilifa.
UNkosinathi loSiphamandla Masondo kuthiwa babanga umuzi kayise oseGoli.
Imithombo esondelene lalaba ithi uNkosinathi udinwe uyaveva yisenzo sikaSiphamandla okuthiwa uthatha yonke imali yerenti engange 16 000 randi ngenyanga.
“UNkosinathi kuyamdina kakhulu lokhu ngoba uSiphamandla uyidla yedwa limali. Uthi akumelanga amotshe imali ezintweni ezibubukhazikhazi ezinye ingane zikayise ziswela,” kuqhuba umthombo.
Omunye umthombo uthe uSiphamandla wathatha limali wathengela omunye umngane wakhe ubutsetse bemoto.
“Okunye okumangalise abantu ngendlela uSiphamandla asebenzisa ngayo imali ayithatha kurenti ebhadalwa ngabahlala emzini kayise yikuthi kukhanya wathengela omunye umngane wakhe imota enhle okwesabekayo ngalimali.
“Abomdeni lokhu akubaphathi ngoba bethi uSiphamandla akuyisiye yedwa indodana kumbe singathi umntwana kamuyi.” kutsho lumthombo.
Kuthiwa uNkosinathi wadinwa wase ethatha izibhamu ezimbili zikababa wakhe ezisemthethweni — okwenza uSiphamandla asabele impilo yakhe.
Zombili lezi zelamani zalile ukukhuluma lentatheli ngaloludaba. — Ubulembu
