uMthunywa
Thokozile Mbedzi
KULOMNTWANA oleminyaka yokuzalwa emine weFort Rixon ofe kuviki ephelileyo kulandela ukumbokothwa yinqola abeyigadile.
UGetrude Magavhu (4) wesiqintini seLambamayi wehlelwe ngamashwa la kulandela ukuqamuka kwedazibhomu.
UMthunywa uzwe ukuthi umuyi ubegade inqola lomnewabo oleminyaka engu-17 andubana kuqamuke idazibhomu okuyikho okwabangela ukuthi inqola ibhewuke.
Ekhuluma lentatheli kaMthunywa uNkosazana uMonalisa Moyo uveze ukuthi lokhu benkemile ngesiga esibehleleyo esigabeni sabo.
“Lokhu okwehlele imuli yakoMagavhu kusitshiye sethukile ngoba sisakhula sasizwa abadala besithi abantwana balentelezi ngakho kuyisimanga njalo kuyasethusa ukuthi umntwana omncane adlule ngale indlela emhlabeni.
“Kukhanya inqola yathi isiqamuke idazibhomu yaphosela umnewabo eceleni yasimbokotha umntwana wahle wafela lapho,” kuchaza uNkszn Moyo.
Udaba lolu lwabikelwa amapholisa.
Imizamo yokukhulumisana lesikhulumi samapholisa esabelweni seMatabeleland South ulnspector Philisani Ndebele ebuzwa ngodaba lolu uthe alukafiki endlebeni zakhe.
