uMthunywa
Ethel Ncube.
IMULI yakoPhiri eMtshede eSigodini ayisabuquthi ubuthongo idinga ukuncediswa ukuba ithole ugogo wayo owalahlekayo ngenyanga ephelileyo.
Ugogo uNora Phiri ophila lomkhuhlane wengqondo ulahleke ngoNkwenkwezi kuwonalo umnyaka.
Iphephandaba likazulu likhulume lelinye ilunga lemuli uNkosazana Thenjiwe Phiri oveze ukuba ugogo wabo kabonakali kusukela kunyanga edluleyo.
“Ugogo silamalanga angu-20 singamboni walahlekela engekhaya. Ekuseni kwathi kuvukwa kwatholakala endlini yakhe kuvuliwe yena engekho ukuthi wahamba egqokeni kasikwazi.
“Sacinana laye esiyalala samvalela endlini alala kiyo ekuseni watholakala engekho silokhe sidinga lalamuhla asimtholi sicela usizo ongabe embonile ngoba ugogo uphila lomkhuhlane wengqondo.
“Ombonileyo angathinta uThenjiwe Phiri kulezi inombolo 0784082301 kumbe atshayele amapholisa aseduzane laye,” kuphetha uNkszn Phiri.
