uMthunywa
ZIMKHALELE esemzini wakhe umfundisi webandla leZiyoni osolwa ngokudlwengula indodakazi yakhe lentombazanyana yakomakhelwane eSwayimane ngaphandle kweMgungundlovu kweleSouth Africa.
Lumfundisi webandla lakule indawo leZion, kugasele amapholisa kulandela ukuqubuka kwezindaba zokuthi ubeqhoqhobala indodakazi yakhe, wagcina esengenela lengane yakomakhelwane.
Isolezwe ngoMgqibelo lithole ngomthombo osondelene lalolu daba ukuthi ithumba lidubuke esedlwengula ingane yakomakhelwane, yalubika udaba kibo.
Kuthiwa abangakibo kwengane yakomakhelwane babe sebesiya emzini walo mfundisi, indodakazi yakhe layo yakhihla isililo yathi layo kade ihlukumezwa ngalindlela yayigilwa nguyise imikhuba.
“Siphithene amakhanda ngale nto eyenzekeleyo ngoba besizitshela ukuthi umfundisi lo uthembekile. Kusimangalisile ukuvela kwensolo zokuthi ubedlwengula ingane kamakhelwane ephosa ilingane lendodakazi yakhe, laye okuvele ukuthi kulesikhathi eyidlwengula. Kuthiwa ibisesaba ukuphumela obala ngalo mkhuba abewugila,” kutsho umthombo ocele ukungavezwa njengoba usondelene kakhulu lalolu daba.
Izingane ezithintekayo kuthiwa zisiwe kudokotela ukuyahlolwa kwatholakala ukuthi ngempela zihlukuluziwe.
Okhulumela amapholisa KwaZulu-Natal, uColonel Thembeka Mbele, uthe amapholisa abophe umsolwa oleminyaka engu-30 ngamacala amabili okudlwengula.
“Uzobekwa icala bese evela emthethwandaba maduze,” kutsho uColonel Mbele.
Leli phephandaba lithole ukuthi lumfundisi ubewakhonzile amantombazanyana amancane, ngitsho lasebandleni bekujwayelekile ukuthola emi lawo.
Umthombo weSolezwe ngoMgqibelo uthe balovalo ukuthi kungenzeka ukuba akusiwo mantombazana la kuphela athintekayo kodwa kukhona amanye njalo.
“Siyazibuza siyaziphendula ukuthi ngabe akhona yini amanye amantombazana athintekayo kulolu daba esaba ukuphumela obala ngoba ubewakhonzile impela amantombazana amancane lumfundisi,” kutsho umthombo ocelwe lingalokothwa igama lakhe.
Leli phephandaba lihotshe umoya othi unkosikazi walo mfundisi ube esecela abomdeni wakhe bemlande emzini wabo eSwayimane ngemva kokuthola ngalesi sehlakalo.
— Ubulembu
