uMthunywa
NEW YORK — Ziphenduke ondabamlonyeni izithandani ezileminyaka engu-48 ubudala, ezilamadodakazi amabili asekhulile, ngesikhathi zibungaza ukuphela komtshado wazo weminyaka engu-24.
Ebantwini abanengi idivosi iyingxenye yempilo engeyinhle futhi ethatha isikhathi ukuba idlule.
Loba kunjalo, ezinye zezithandani zivele zaduma ngokwenza isiphihli sephathi yedivosi, zibungaza ukuphela komtshado wazo.
UJeff Becerra loMichelle Mahoney, bobabili abaleminyaka engu-48 ubudala, sebeqede iminyaka engu-24 betshadile kanti balamadodakazi amabili ndawonye.
Ngemuva kokuba bobabili belulekwe ngokwengqondo, bavumelana ukuthi sekuyisikhathi sokuba bahlukane. Yize kunjalo, bathatha isinqumo sokuba babengabangani.
Laba bobabili bavumile ukuthi isinqumo abasithatha sabanzima.
Lezi zithandani zithi bezibungaza isiqalo esitsha empilweni. — Ubulembu