uMthunywa
NGITHEMBA liyaphumula bafundi njengoba kulikhefu kodwa-ke kasidlaleni sisazi ukuthi imihloliso iyeza maduze nje.
Asiyenike bafundi kumsebenzi waleliviki.
Umsebenzi wakuqala
1 Nxa umama ethunga isitsha uhlomelela ngotshani esithi (luqethu, luqunga, ngumsingizane)
2 Intambo yokufulela indlu yelukwa ngotshani esithi (yinqodi, yisikhaba, yincobosi)
3 Umthanyelo wenziwa ngotshani esithi (yimizi, nguthala, luqunga)
4 Isitsha sithungwa ngentambo eyenziwe ngotshani esithi (ngumadodlwana, yimizi, ngozondumoya)
5 Indlu ifulelwa ngotshani obuthiwa (ngumxhopho, ngumnyankomo, luqunga)
6 Ingcebethu lesi esikhazimulayo odadewethu bazeluke (ngomantsenstane, ngesikhaba, ngosezi)
7 Isihluzo selukwa ngentambo ezenziwa ngotshani esithi (ngumnyamkono, yimizi, ngumsingizane)
8 Amacansi elukwa ngotshani obuthiwa (ngumxhoph, ngumnyankomo, yimizi)
Nanku unsebenzi wesibili
Ibizo eliqondileyo lesipunu lukhezo. Lapha-ke
1 Isitulo ………….
2 Isepa …….
3 Ibhuku ………
4 Iwindi…………
5 Isotsha…….
6 Ipeni……..
7 Umpikitsha …….
8 Amafulawuzi……….
9 Ihafu…….
10 Isitolo………..
11 Ujaji ………….
12 Igedi ………….
Asizameni bafundi ukufunda akupheli, sizahlanga ngeviki elizayo.
