uMthunywa
KULINDELEKE ukuthi igwetshwe namhlanje inyanga yaseThekwini elahlwe licala lokudlwengula iphindelela indodana yayo okuthiwa yayiqala iseleminyaka eyisitshiyagalolunye.
Inyanga le ngeyeZimangweni, eNanda.
Ivele emthetwhandaba ngesonto eledluleyo, okuyilapho efike yatholwa ilecala lokuhlukumeza indodana yayo ngokocansi.
Okhulumela amapholisa eKwaZulu-Natal, uColonel Thembeka Mbele, ukuqinisekisile lokhu wathi kwaqala ukwenzakala kusukela ngo-2003, indodana ileminyaka eyisitshiyagalolunye.
“Kusolwa ukuthi umfana owayeleminyaka eyisitshiyalolunye ubelokhu edlwengulwa yindoda ayaziyo kubo eZimangweni kusukela ngo-2003 kodwa udaba luze lwabikwa emapholiseni ngo-2014.
Icala lokudlwengula lavulwa esitetshini samaphoyisa eNanda lase lidluliselwa ophikweni oluphenya amacala odlame lomdeni, ukuvikelwa kwezingane lamacala athinta ucansi ukuba liphenywe.”
UColonel Mbele uthe kwabe sekubotshwa inyanga yabekwa icala lokunukubeza ngokocansi. Icala lathethwa kwaze kwaba kukhitshwa isinqumo.
“Usagqunywe esitokisini, uzavela emthethwandaba esiFunda yaseNtuzuma kuyonale isonto,” kuchaza uColonel Mbele. — Ubulembu
