uMthunywa
UKWAKHIWA kwekilinika yePupu ku-Wadi 11 eLupane kuyaqhubeka nanko iLupane Rural District Council ibika ukuba ihlose ukuthi kusiyaphela umnyaka ibe isiqedile lumsebenzi.
Umaqhuzu walikhansili uMnumzana Christopher Chuma utshele iphephandaba likazulu ukuthi ikilinila le izaphathisa abahlali bakulindawo abakade bethwele nzima ukuthola usizo kwabezempilakahle ngenxa yokusilela kwekilinika.
“Sifuna ukunikeza abahlali bePupu leziqinti eziseduzane izakhiwo ezifana lekilinika le. Lokhu kungaphansi kwenhlelo zethu zokuthuthukisa impilo zabantu lokuthi silethe odokotela labongikazi eduzane labantu, okuyikhona okusekelwa nguHulumende wethu,” kutsho uChuma.
Kusenjalo i-Lupane Rural District Council ithenge ithalakitha ezasetshenziswa ekulungiseni imigwaqo kulindawo kuhlelo lwe-Emergency Roads Rehabilitation Programme.
