uMthunywa
KULENINA leSoweto kweleSouth Africa elithumbe isidumbu setshamali yaso layasifihla lapho okungaziwa khona.
Kuzwakale ukuthi indoda le esingumuyi ibibizwa ngokuthi Nhlanhla Yeni (50), njalo ibilamatshamali ayisithupha kunye labantwana abangu-6.
Kubikwa ukuthi uYeni ubhubhele endlini yenye itshamali yakhe uNtswaki Musupi oleminyaka yokuzalwa engu-48 ePimville eSoweto.
UMosupi ubike ukuthi umuyi wafa yena ekhona njalo umangaliswe yikuthi ngemva kokubhubha kwakhe kwafika amantombazana amahlanu lawo esithi ubethandana lawo. Omunye wabo oleminyaka yokuzalwa engu-26 wathatha isithupha, izincwadi kanye lebhuku lebhanga likamuyi.
Kuzwakale ukuba itshamali le eyathatha amabhuku kamuyi okungasatholakalanga ibizo layo yayiphethe ithi umuyi ufe elesikweledi sayo.
“Usitshele ukuba uYeni engakabhubhi waboleka imali kuye ethi ufuna ukubhadala igqwetha lakhe njalo kazange aphendukise leyo mali. Usuke wasethumba isidumbu sikamuyi wasisa emotsha engaziwayo, kutsho uMosupi.
Udadewabo kamufi uLydia Yeni (44) ubike ukuthi bona njengomdeni bafuna isidumbu sikamuyi ngoba sebefuna ukusibeka siphumule ngokuthula kodwa akwazakali ukuthi isidumbu sakhe singaphi,” kutsho uNkosazana Yeni.
UMosupi uthe isikwelede esitshiwo ngomunye watshamali kamuyi kasazi yena njalo sebabikela amapholisa ngokuthunjwa kwesidumbu. — Ubulembu
