uMthunywa
YiNtatheli kaMthunywa
UKHAMA Billiat umdlali wodumo waseZimbabwe odlalela iMamelodi Sundowns ekuAbasa Premiership eSouth Africa uzahlala kuleliqembu okweminyaka emibili ezayo njalo ulesifiso sokuthi aye phetsheya kweAfrica.
IMamelodi Sundowns isiyengeze isivumelwano sayo lomdlali lo okweminyaka emibili ezayo.
UBilliat oleminyaka yokuzalwa engu-25, useyengeze isivumelwano sakhe lethimu le okweminyaka emibili elandelayo, okuveza ukuthi uyasuthiseka kulithimu.
Umbiko ophuma kumaphephandaba aseSouth Africa ubike ukuba isivumelwano sikaBilliat leMamelodi Sundowns siyaphela kulisizini.
Umdlali lo, ekhuluma ebulenjini beKickOff.com uthe uzacabangisisa ngekusasa yakhe kuSundowns ekupheleni kwesizini ngoNkwenkwezi, loba nje kusaziwa ukuthi usevume ukuthi adlale okweminyaka emibili ezayo.
“Ngifuna ukwenza okunengi isizini le ingakapheli, ngibe sengibona ukuthi ngithatha nyathelo bani,” kutsho umdlali lo.
“Ngizadlalela kumathimu enguqu aphetsheya nxa ngingenza okuhle kuSundowns. Angisoke ngisuke kulithimu nxa ngingadlalanga okuzwayo. Ukufeza iphupho lami kulithimu kuzavula umkhandlo wokuthi ngiye phetsheya.”
Umgadli waseZimbabwe lo usehlohle amabhola ayisitshiyagalolunye kulisizini. Uqale ukudlalela iMamelodi Sundowns esuka kuqembu leAjax Cape Town ngesizini ka-2013.
