uMthunywa
UGOGO Ester Ndungwane (69) wabhubha mhlaka 16 Mpalakazi futhi abathwala izigulane yibo abachaza ukuthi usedlule.
Kodwa akuzange kufike imota yemotsha izothwala isidumbu ngoba isihlobo sikagogo esileminyaka engu-39 sathatha isidumbu sikagogo yasifaka phakathi kwebhimu sathela amanzi.
Omakhelwane besigabeni se-Etwatwa Ekurhuleni baqala ukukhathazeka ngoba kabazange babone imota yezidumbu ifika emzini lo.
Umkhokheli womphakathi uMthuthuzeli Mani uthe bafika endlini le kodwa isihlobo leso sala ukubavulela.
“Sithe sesimtshela ukuthi sesibikela amapholisa, wasevula njalo esakufica lapho kwasethusa njalo kayisibobuntu ngitsho. Wasitshela ukuthi wafaka ugogo ebhimu ukuze ayolahla isidumbu lapho okulahlelwa khona ingcekeza ngoba kala-mshuwalensi womngcwabo ukuze ambeke,” utsho njalo.
UMthuthumeli uthe kabazange bakuzwisise ukuthi kungani engabatshelanga ukuthi kalamali. “Lokhu kwasicunula kakhulu sasesibiza amapholisa,” kutsho uMthuthumeli.
Uthe umama lo wathathwa ngamapholisa ngoba umphakathi wawuvele usufuna ukubeka umthetho enzandleni zawo.
Amapholisa aze abavimba. Omakhelwane sebedinga uncedo ukuze banike ugogo umngcwabo olesizotha.
Umzukulu kagogo, uNhlanhla Nkosi (49) uthe umama lo usenyamalele.
“Bengifisa ukuthi angichazele ngezenzo zakhe, kodwa kangizitholi impendulo. Kazange asitshele ukuthi kulohlupho.
Saze sezwa ngomakhelwane sebesitshayela ucingo,” kutsho umzukulu lo. Uthe balindele umbiko wokuhlolwa kwesidumbu ukuze bakwazi ukuthi ugogo wabulawa yini.
“Konke lokhu kwenza singakukholwa ukuthi ugogo wedlula ngokwemvelo. Sidinga uncedo lokuthi sinike ugogo umngcwabo olezithunzi ngoba kasilalutho,” utsho njalo. USergeant Khensani Mathebula uthe balindele i-postmortem ukuze bakwazi imbangela yokufa kukagogo. – Ubulembu.
