uMthunywa
Zisele zibambe ongezansi izakhamizi zeKwekwe ngemva kokuba intombazana eleminyaka yokuzalwa engu-15, ebikhulelwe ibelethe ingane elamazinyo amane, amabele ngitsho lenwele zensitha.
Kusolwa ukuthi uPamella Zezai ubelethe lingane mhlaka 20 Lwezi ekilinika yeBattlefields.
Lintombi ikhangelane lenkinga enkulu njengoba esebizwa ngamagama, ethukwa yizakhamizi zeKwekwe kanti inengi lazo lisola ubuthakathi kukho konke lokhu okwenzakeleyo.
UZezai uthe ngesikhathi ebeletha omongikazi baseBattlefields abazange banike usane lwakhe imithi kodwa bavele bamnika ingane yakhe bathi ayehlahlula.
“Bavele banginika ingane bathi angiyobhula kubelaphi bendabuko,” kutsho uZezai.
Lumama osemncane utshade lejaha elisebenza eBotswana kanti uhlala labakwabozala.
Uninazala kaZezai, uMagaret Mpofu uthe sebelahlekelwe yimfuyo lemali enengi bezama ukuthola isisombululo ngenkinga ababhekane layo kuzangoma. — Kwayedza
