uMthunywa
Izibanjalo ezisuselwe ezichasisweni
Izibanjalo ezisuselwe eziphawulweni
Isiphawulo laso siyawenza umsebenzi wokulandisa nxa sesiguqulwe saba yisibanjalo. Funda lezi izibonelo ezilandelayo ngezigaba zazo: Kusigaba 1 kusiphawulo /omubi/ isibanjalo ngu/mubi/.
Kusigaba 2 kusiphawulo /ababi/ isibanjalo ngu/babi/. Kusigaba 3 kusiphawulo /omubi/ isibanjalo ngu/mubi/. Kusigaba 4 kusiphawulo/emibi/ isibanjalo ngu/mibi/.
Kusigaba 5 kusiphawulo /elibi/ isibanjalo ngu/libi/. Kusigaba 6 kusiphawulo /amabi/ isibanjalo ngu/mabi/. Kusigaba 7 kusiphawulo /esibi/ isibanjalo ngu/sibi/. Kusigaba 8 kusiphawulo/ezimbi/
isibanjalo ngu/zimbi/. Kusigaba 9 kusiphawulo /embi/ isibanjalo /ngu/imbi/. Kusigaba 10 kusiphawulo/ezimbi/ isibanjalo ngu/zimbi/.
Izibonelo lezi ziyatshengisa kuhle ukuthi nxa kusakhiwa isibanjalo unkamisa wokuqala wesivumelwano sesiphawulo uyasuswa. Esigabeni 9 sisusa u –e, bese kuthi esikhundleni sakhe sifake u-i-.
Ekulanduleni khona kumi kanje, ngaphansi kwezihloko ukuvuma lokulandula ngezigaba zazo: Kusibanjalo sokuvuma kusigaba 1 /mubi/ ukulandula ngu/akamubi/. Kusigaba 2 kusibanjalo sokuvuma /babi/ ukulandula ngu/abababi/. Kusibanjalo sokuvuma kusigaba 3 /mubi/ ukulandula ngu/awumubi/.
Kusibanjalo sokuvuma kusigaba 4 /mibi/ ukulandula ngu/ayimbi/ njalonjalo. Singaqalisa lango ka- ekulanduleni. Izibonelo: kabababi; kawumubi; kasisibi.