uMthunywa
IZANDISO ezivela kwamanye amabizo ngezigaba zawo
1. Unkamisa osekuqaleni siyamguqula kuwo wonke amabizo.
2. Nxa sisakha isandiso sendawo siqalisa ngonkamisa – e- kuzo zonke izigaba ngaphandle kwesigaba 1a lesigaba 2a. Zona lezi ziqalisa ngo –ku-. Isibonelo kubizo elikusigaba 1a /ubaba/ isandiso sendawo ngu/kubaba/. Kubizo elikusigaba 2a ogogo isandiso sendawo ngu/kubogogo/.
3. Nxa sihlolisisa izandiso lezi sizabona ukuthi kulenguquko eyenziwe ekucineni kwebizo kuzo zonke izigaba ngaphandle kwesigaba 1a lo 2a.
(a) Wonke amabizo acina ngo –a loba –e ajobelela u – eni esikhundleni sabonkamisa laba. Izibonelo: Kubizo umfana elikusiga 1 isandiso sendawo ngu/emfaneni/. Sijobela u –eni endaweni lamkamisa – a osekucineni.
(b) Endaweni kankamisa – (i) osekucineni kwamabizo athize sijobelela u- ini. Kubizo umuthi elikusigaba 3 sisusa unkamisa (i) osekucineni sijobelele u-ini.
(c) Amabizo acina ngo – o sijobelela u –weni nxa esakha izandiso zendawo. Isibonelo: Kubizo elikusigaba 7 isilo isandiso sendawo ngu/esilweni.
(d) Endaweni kankamisa –u osekucineni sijobelela u –wini. Isibonelo: Kubizo elikusigaba 2 abantu sisusa unkamisa –u osekucineni sijobelele u-wini.
Nanzelela:
1. Kukhona amabizo ambalwa alabongwaqa f, v, mv, mf elungeni lokucina belandelwa ngunkamisa –o loba –u. Acina ngonkamisa –o ajobelela u – eni kuthi la acina ngonkamisa – u- ajobelela u-ini. Izibonelo: Kubizo isifo – isandiso sendawo ngu – esifeni. Kubizo isifu isandiso sendawo ngu – esifini. Kubizo imvu isandiso sendawo ngu – emvini.
