uMthunywa
Ukuhlanganisa isakhi sokukhomba u “la” kanye lesivumelwano senhloko. Kulumbana inkamisa kanje: Izibonelo: la + u- = lo, la + i- = le, la + -a- = la.
Uma isivumelwano senhloko singungwaqa lonkamisa kwenzeka ukufanisa, lapho ingxenye kankamisa wesivumelwano ihlehla bese ilumbana lonkamisa wesakhi sokukhomba ingxenye isale. Izibonelo: la + li-> leli, la+ zi >lezi, la + lu > lolu.
Kuhlanganiswa isakhi sokukhomba u “l” lesivumelwano sesibaluli kanje: Isibonelo: l + e- > le, l + o-> lo, l + ezi- lezi, l + obu- lobu.
Ukwakhiwa kwesabizwana sokukhomba buqamama
Sakhiwa sisuselwa esabizwana sokukhomba eduze, ngezindlela ezilandelayo: Kulezo zabizwana zokukhomba eduze ezilelunga elilodwa, sijobelela isakhi sesabizwana u “o” bese sifaka osingankamisa ngokufaneleyo phakathi kwesabizwana lesakhi. Izibonelo: lo + o > lowo, le + o > leyo, la + o > lawo.
Uma izabizwana zokukhomba eduze zilamalunga amabili, sijobelela u “o” besekusithi unkamisa wesabizwana asuswe adedele isakhi “o’. Izibonelo: leli + o >lelo, lolu + o > lolo, lobu + o > lobo.
Sizaqala lapha kuviki ezayo. Vikela ukumemetheka kobhubhane lweCovid- 19.