uMthunywa
UkusetshenziswA kwesabizwana sokukhomba emitshweni
1. Singandulela ibizo emutshweni
Le inkabi ngeyami.
Lo umfana ngimbone ezitolo
2. Singalandela ibizo emutshweni
Inhlanzi lezi zibuye lomalume.
Inkunzi le ifohlele emasimini.
3. Singaba yinhloko yomutsho
Lezo zikhonkothe ubusuku bonke.
Lokhu kufuneka kusasa.
4. Singaba ngumenziwa emutshweni
Uyedinga leziya.
Abadala bebesidla leyo.
5. Singalandela ezinye izabizwana emutshweni.
Thatha sona lesi.
Zonke lezo ngezakho.
Isabizwana senani
Isabizwana senani simela ibizo emutshweni njengezinye izabizwana.
Hlolisisa imitsho elandelayo:
1. Ngizathengisa zonke ezami.
2. Bathanda ukwenza umsebenzi wonke bodwa.
3. Bobathathu babotshiwe.
4. Zitshile zombili ezakhe..
5. Ngifuna ukukhetha bobane abakwaziyo ukudlala inguqu.
U – zonke kumutsho wokuqala umele ibizo okungaba izifuyo kumbe inkomo.
Bodwa umele ibizo kungaba – abafana kumbe amankazana.
Bobathathu umele ibizo okungaba – abantu.
Zitshile umele ibizo okungaba izindlu kumbe izimota.
Bobane umele ibizo okunga ngelithi – abafana.
Amagama alandelayo – nke, -dwa, -mbili, -thathu, -ne, -hlanu, ayizabizwana zenani.
Isabizwana lesi sileziqu ezintathu, -nke, -dwa, -bili, -thathu, -ne, -hlanu.
Iziqu u-bili, -thathu, -ne, lo –hlanu zisebenza njengesiqu esisodwa.